پاکستان فلسطینی پناہ گزینوں کی مدد کرتا رہے گا، ملیحہ لودھی

نیویارک: پاکستان فلسطینی مہاجرین کی مدد کرنے والے عالمی ادارے کی مالی مدد کرے گا، فیصلے کا اعلان اقوام متحدہ میں پاکستان کی مستقل مندوب ملیحہ لودھی نے کیا۔

تفصیلات کے مطابق پاکستان فلسطینی پناہ گزینوں کی مدد کے لیے سرگرم ہوگیا۔ پاکستان فلسطینی مہاجرین کی مدد کرنے والی اقوام متحدہ کی ایجنسی برائے امداد ( یونائیٹڈ نیشنز ریلیف ورکس اینڈ ایجنسی فار پیلیسٹین رفیوجیز ۔ یو این آر ڈبلیو اے) کی مالی مدد کرے گا۔

اس سے قبل ملیحہ لودھی نے سلامتی کونسل اصلاحات پر عالمی مذاکراتی عمل میں بیان دیتے ہوئے کہا تھا کہ ماضی سے سبق سیکھے بغیر اصلاحات کا عمل مطلوبہ نتائج نہیں دے گا۔

ملیحہ لودھی نے کہا کہ ممالک کو مذاکراتی عمل کو کامیاب بنانے کے لیے لچک کا مظاہرہ کرنا ہوگا، چند ممالک کی طاقت کے حصول کی خواہش اتفاق رائے کی راہ میں رکاوٹ ہے۔