بنگلہ دیش کرکٹ ٹیم کی پاکستان آمد، کرکٹ کی بحالی، وزیراعظم نے کیا کہا؟
باغی ٹی وی کی رپورٹ کے مطابق وزیراعظم عمران خان نے بنگلہ دیش کرکٹ ٹیم کی پاکستان آمد پر انہیں خوش آمدید کہا ہے
سماجی رابطے کی ویب سائٹ ٹویٹر پر ٹویٹ کرتے ہوئے وزیراعظم عمران خان نے بنگلہ دیشی کرکٹ ٹیم کو پاکستان آنے پر خوش آمدید کہا اور پاکستان میں کرکٹ کی بحالی کا خیرمقدم کیا۔
میں پاکستان ْآمد پر بنگلہ دیشی کرکٹ ٹیم کو خوش آمدید کہتا ہوں اور پاکستان میں ٹیسٹ کرکٹ کی بحالی کا خیر مقدم کرتا ہوں۔
— Imran Khan (@ImranKhanPTI) February 8, 2020
واضح رہے کہ بنگلہ دیش کی کرکٹ ٹیم راولپنڈی ٹیسٹ کھیلنے پاکستان آئی ہے، اس سے قبل لاہور میں ٹی ٹوئنٹی سیریز بھی بنگلہ دیش نے کھیلی تھی، آج دوسرا دن پنڈی میں ٹیسٹ کھیلا گیا،وزیراعظم عمران خان کی مشیر برائے اطلاعات ڈاکٹر فردوس عاشق اعوان نے بھی سٹیڈیم کا دورہ کیا اور میچ دیکھا
قبل ازیں بنگلہ دیش اور پاکستان کی کرکٹ ٹیموں نے جمعرات کو ایوان صدر کا دورہ کیا اور صدر مملکت ڈاکٹر عارف علوی سے ملاقات کی۔ اس موقع پر صدر مملکت نے دونوں ٹیموں کے کھلاڑیوں سے فرداً فرداً مصافحہ کیا۔
کبڈی ورلڈ کپ، کون کرے گا افتتاح؟ فائنل کن ٹیموں کے درمیان ہونے کا امکان
کبڈی ورلڈ کپ، بھارتی ٹیم پہنچی پاکستان،دیگر کن ممالک کی ٹیمیں آ گئیں؟
اس موقع پر بین الصوبائی رابطہ کی وفاقی وزیر ڈاکٹر فہمیدہ مرزا، پاکستان کرکٹ بورڈ کے چیئرمین احسان مانی اور ہیڈ کوچ مصباح الحق بھی موجود تھے۔ صدر مملکت نے بنگلہ دیش کی کرکٹ ٹیم کا خیرمقدم کرتے ہوئے کہا کہ بنگلہ دیش کرکٹ ٹیم کی جانب سے پاکستان کا دورہ کرنے پر بنگلہ دیش کی حکومت، کرکٹ بورڈ اور ٹیم کے شکر گزار ہیں۔
قومی خبر رساں ادارے اے پی پی کے مطابق صدر مملکت ڈاکٹر عارف علوی نے مزید کہا کہ پاکستان میں انٹرنیشنل کرکٹ کی بحالی خوش آئند ہے، پاکستان میں سکیورٹی کی صورتحال بہتر ہوئی ہے اور یہاں شائقین کرکٹ کو کرکٹ دیکھنے کا موقع ملے گا، امید ہے دونوں ٹیمیں عمدہ کھیل پیش کریں گی۔
صدر مملکت نے پاکستان ایک خوبصورت اور مہمان نواز ملک ہے اور امید ہے کہ مہمان ٹیم کا دورہ خوشگوار رہے گا۔ صدر مملکت نے کہا کہ وہ کرکٹ کے کھیل کے مداح ہیں، پاکستان میں کرکٹرز کو ہیرو کا درجہ دیا جاتا ہے، یہاں مقامی سطح پر کرکٹ کے فروغ پر کام ہو رہا ہے، پی ایس ایل کی طرح ہاکی اور کبڈی کی لیگ پر بھی کام کرنے کی ضرورت ہے
پاکستان آکر عزت ملی، بھارتی کبڈی ٹیم کے کپتان نے کس خواہش کا اظہار کر دیا
