نیوزی لینڈ کے بعد اب لندن میں نمازیوں پرحملہ : مسجد میں داخل ہوکر نمازی کو زخمی کرنے والا حملہ آور گرفتار
![](https://baaghitv.com/wp-content/uploads/2020/02/knife-man.jpg)
لندن: نیوزی لینڈ کے بعد اب لندن میں نمازیوں پرحملہ : مسجد میں داخل ہوکر نمازی کو زخمی کرنے والا حملہ آور گرفتار،اطلاعات کےمطابق اسکاٹ لینڈ یارڈ نے برطانوی دارالحکومت میں واقع مسجد میں نمازیوں پر چھری سے حملہ کرنے والے شخص کو ڈرامائی انداز سے گرفتار کرلیا۔
اسکاٹ لینڈ یارڈ کے ترجمان کے مطابق ’پولیس کو اطلاع موصول ہوئی کہ پارک روڈ این ڈبلیو 8 میں واقع مسجد میں ایک حملہ آور داخل ہوا جس نے نمازیوں کو زخمی کرنے کی کوشش کی‘۔
BREAKING NEWS: We are hearing unconfirmed reports that a muadhin has been stabbed at London Central Mosque. More details to follow. pic.twitter.com/YQhU50hrBM
— 5Pillars (@5Pillarsuk) February 20, 2020
برطانوی میڈیا رپورٹ کے مطابق حملے میں ایک شخص زخمی ہوا جسے فوری طور پر اسپتال منتقل کیا گیا۔اسکاٹ لینڈ یارڈ کے مطابق زخمی ہونے والے شخص کی عمر 70 سال ہے، جسے چھریوں کو کئی وار کر کے زخمی کیا گیا، ڈاکٹرز نے اُن کی حالت خطرے سے باہر ہے۔
سیکیورٹی فورس حملے کی اطلاع موصول ہونے کے بعد ریجینٹ پارک میں واقع مسجد پہنچی اور حملہ آور کو ڈرامائی انداز سے حراست میں لیا۔ رپورٹ کے مطابق حملہ آور نے ظہر کی نماز کے وقت مسجد میں داخل ہوکر نمازیوں پر حملہ کرنے کی کوشش کی مگر وہ اپنے عزائم میں ناکام رہا۔
پولیس نے تحقیقات کے لیے کرائم سین کو سیل کردیا جبکہ وہاں سے گرفتار ہونے والے شخص کو پوچھ گچھ کے لیے نامعلوم مقام پر منتقل کردیا۔اسکاٹ لینڈ یارڈ نے حراست میں لیے جانے والے شخص کی شناخت ظاہر نہیں کی البتہ مسجد میں موجود ایک نمازی نے گرفتاری کی ویڈیو بنائی اور اسے انٹرنیٹ پر شیئر کیا۔