مظفر آباد:کنٹرول لائن پر بھارتی فوج کی فائرنگ سے پاک فوج کا جوان شہید،اطلاعات کےمطابق بھارتی فوج نے آج پھرپاکستانی افواج پرگولہ باری کردی،آئی ایس پی آر کےمطابق لائن آف کنٹرول پر بھارتی فوج کی فائرنگ سے پاک فوج کا جوان شہید ہوگیا۔
کنٹرول لائن پر بھارتی فوج کی فائرنگ سے پاک فوج کا جوان شہید،پاک فوج کے جوابی وارسے بھارتی فوج کا بڑے پیمانے پرجانی نقصان
پاکستان کے شہید ہونے والے سپوت ، امتیاز علی کی شہادت کو سلام pic.twitter.com/u1GgXJaRrq
— Baaghi TV باغی ٹی وی (@BaaghiTV) February 20, 2020
پاک فوج کے شعبہ تعلقات عامہ (آئی ایس پی آر) کے مطابق بھارتی فوج کی ایک مرتبہ پھر سیز فائر معاہدے کی خلاف ورزی کی ہےاور ہٹ دھرمی کا مظاہرہ کرتے ہوئے شہری آبادی کو نشانہ بنایا۔
آئی ایس پی آر کے مطابق بھارتی فوج نے ایل او سی پر وادی لیپا کے کیانی سیکٹر پر فائرنگ کی، پاک فوج کے جوانوں نے بھارتی فوج کی چوکیوں کو نشانہ بناتے ہوئے بھارتی فائرنگ کا موثر جواب دیا، فائرنگ کے تبادلے کے دوران سپاہی امتیاز علی شہید ہوگئے۔
سپاہی امتیاز علی کی عمر 30 سال تھی اور ان کا تعلق ضلع نوشہرہ سے تھا، سپاہی امتیاز علی بہادری سے مادر وطن کا دفاع کرتے ہوئے شہید ہوئے۔
