شوبز

علی ظفر کے پی ایس ایل ترانے نے میلہ لُوٹ لیا

5 سال قبل
5 سال قبل

گلوکار علی ظفر نے بالآخر انتہائی کم وقت میں پاکستان سپر لیگ (پی ایس ایل) کے سیزن فائیوکے لئے اپنا گانا تیار کرکے ریلیز کردیا

باغی ٹی وی: گذشتہ ماہ 20 فروری کو پاکستان سپر لیگ سیزن فائیو کا گانا ریلیز ہوتے ہی سوشل میڈیا صارفین کی جانب سےنہ صرف مسترد کردیا گیاتھا بلکہ گانے پر شدید تنقید بھی کی گئی تھی اورلوگوں کو پی ایس ایل کے ابتدائی تین سیزن کے گانے گانے والےعلی ظفر کی یاد ستانے لگی تھی جس کے بعد علی عظمت نے ایک انٹرویو میں دعوی کیا تھا کہ پی ایس ایل کے لیے گزشتہ ترانوں کے گلوکار نے بلاگرز کو خرید کر تیار ہو کے خلاف ٹوئٹس کروائیں

اس کے بعد علی ظفر کی ایک طنزیہ ویڈیو سامنے آئی تھی جبکہ مداحوں کے اصرار پر انہوں نے بھی پی ایس ایل کے لیے اپنا گانا بنانے کا اعلان کردیا تھا ساتھ ہی اس کی دھن بھی جاری کی تھی علی ظفر نے گانے کی دھن جاری کرتے ہوئے مداحوں کو اپنے ڈانس اسٹیپس بھیجنے کا کہا تھا جس کے بعد دنیا بھر سے مداحوں انہیں ڈانس اسٹیپس بھجوائے اور بعد ازاں علی عظمت نے بھی ایک انٹرویو میں اعلان کیا کہ وہ بھی علی ظفر کو گانے کے لیے ڈانس اسٹیپس بھجوائیں گے مداحوں کی جانب سے بھیجی گئیں ویڈیوز کو علی ظفر نے کمال مہارت سے اپنی ویڈیو میں ڈالا

اب گلوکار نے اپنا ترانہ ریلیز کر دیا ہےریلیز کرنے کے بعد مداحوں کی جانب سے مثبت ردعمل سامنے آرہا ہے میلہ لوٹ لیا مداحوں کو متاثر کرنے میں کافی حد تک کامیاب رہا ہے

علی ظفر نے ترانے کی ویڈیو ٹویٹر پر جاری کرتےہوئے لکھا کہ بھائی نے اپنا وعدہ پورا کیا صرف فینز کے لیے لاؤڈ کر کے بجا دو اور میلہ لُوٹ لو


سوشل میڈیا صارفین مختلف ٹرینڈز کے زریعے ترانے پر اپنا ردعمل دے رہے تھے ایک صارف نے ترانے کے ویوز کی تصویر شئیر کرتے ہوئے لکھا بھائی جان آپ یو ٹیوب سسٹم کا کرش ہیں


علی ظفر نہ صرف پاکستان بلکہ متحدہ عرب امارات کے ٹرینڈ پینل پر سر فہرست ٹرینڈز میں موجودرہے


فیصل کپاڈیہ نے پاکستان کے ٹوئٹر ٹرینڈ پینل کا اسکرین شاٹ شیئر کرتے ہوئے لکھا کہ میلہ لوٹ لیا نے یوٹیوب پر محض 2 گھنٹوں میں 10 لاکھ ویوذ حاصل کر کے تاریخ رقم کردی بولا تھا نہ بھائی جان آ رہے ہیں


ایک صارف نے ٹویٹر ٹرینڈ پینل کا سکرین شاٹ شیئر کرتے ہوئے علی ظفر کے ترانے کی تعریف کی جس پر علی ظفر نے شکریہ ادا کیا اور لکھا یہ ترانہ آپکا ہے

علی ظفر کا پی ایس ایل فائیو کے لئے ترانہ میلہ لُوٹ لیا ریلیز

ٹیگز:
Shares:

مزید خبریں