لاہور:وزیراعلیٰ پنجاب سےملنے والے 6 (ن) لیگی ارکان کوپارٹی نے فارغ کردیا ، باغی ممبران نےفیصلے کونظراندازکر دیا،اطلاعات کےمطابق وزیراعلی پنجاب سے ملاقات کرنے والے مسلم لیگ (ن) کے 6 اراکین صوبائی اسمبلی کی پارٹی رکنیت معطل کردی گئی۔
ذرائع کے مطابق مسلم لیگ (ن) نے وزیراعلی پنجاب عثمان بزدار سے ملاقات کرنے والے اپنے 6 اراکین صوبائی اسمبلی کی پارٹی رکنیت معطل کردی ہےاور انہیں شوکاز نوٹسز بھی جاری کردیئے ہیں۔ مسلم لیگ (ن) پنجاب کے جنرل سیکرٹری سردار اویس لغاری نے نوٹیفکیشن بھی جاری کر دیا ہے جس میں کہا گیا ہے کہ تمام اراکین 7 دن میں شوکاز نوٹس کا جواب جمع کروانے کے پابند ہیں۔
جن اراکین کی پارٹی رکنیت معطل کی گئی ہے ان میں نشاط احمد خان ڈاہا، محمد فیصل خان نیازی، چوہدری اشرف علی، غیاث الدین، اظہر عباس اور محمد ارشد شامل ہیں۔دوسری طرف وزیراعلیٰ عثمان بزدار سے ملاقات کرنے والے ممبران نے اس نوٹس کومسترد کرتے ہوئے کہا ہےکہ اس نوٹس کی کوئی اہمیت نہیں ہے،
