پاکستان شوبز انڈسٹری کی معروف اداکارہ کبری خان نے مداحوں سے کورونا وائرس سے بچاؤ کی احتیاطی تدابیر اپنانے کی درخواست کی
باغی ٹی وی :پاکستان شوبز انڈسٹری کی معروف اداکارہ کبری خان نے مداحوں سے کورونا وائرس سے بچاؤ کی احتیاطی تدابیر اپنانے کی درخواست کی سماجی رابطے کی ویب سائٹ انسٹاگرام پر کبری خان نے ماسک، سینیٹائزر اور قوت مدافعت تیز کرنے کے سپلیمنٹس کی تصویر شئیر کرتے ہوئے کیپشن میں لکھا کہ کچھ عرصہ قبل سب مختلف پریشانیوں کا شکار تھے جس میں جذباتی مالی و دیگر مسائل شامل تھے لیکن اب سب ایک ہی کوشش میں لگے ہیں اور و ہ زندہ رہنے کی کوشش ہے
instagram.com/p/B9538C2nlZk/
کبری نے لکھا کہ زندگی کسی بھی وقت کوئی بھی نیا موڑ لے سکتی ہے کورونا کے مسئلے کو سنجیدگی سے لینے کی ضرورت ہے انہوں نے لکھا کہ میں اب بھی دیکھ رہی ہوں کہ لوگ اسے مذاق میں اُڑا رہے ہیں لیکن یہ مذاق نہیں ہے اس وائرس کی وجہ سے ہزاروں لوگ مررہے ہیں
اداکارہ نے اسے بقا کی جنگ قرار دیتے ہوئے مداحوں سے سنجیدہ ہونے کا کہا اور قوت مدافعت کو بہتر بنانے کے لیے وٹامنز کا استعمال کرنے کا مشورہ بھی دیا انہوں نے زیادہ سے زیادہ ہاتھ دھونے سینیٹائیزر کے استعمال کے مشورے کے ساتھ ساتھ صفائی برقرار رکھنے اور ماسک پہننے اور اپنی باڈی کا ٹمپریچر بھی چیک کرتے رہنے ( ٹمپریچر 100 سے کم ہونا چاہیئے) صاف ستھرا کھانا کھانے اور گھر میں ورزش کرنے کے بھی ہدایت کی
آخر میں کبری خان نے لکھا کہ اتنی احتیاط کے بعد بھی کسی چیز کی کوئی گارنٹی نہیں ہےلیکن اپنے لئے اور اپنے پیاروں کے لیے احتیاطی تدابیر اپنانے میں کوئی قباحت نہیں آگے اللہ مالک ہے
https://www.instagram.com/p/B98ay1SnxY3/
ایک اور انس گرام پوسٹ میں کبری خان نے لکھا کہ یہ وہ وقت ہے جب ہر چیز بند ہے اور لوگ نوکریوں سے فارغ ہیں جہاں تک ممکن ہو سکے ان کی مدد کریں یہ انسانیت کے امتحان کی گھڑی ہے میں بھی اپنا حصہ ڈالنے کا وعدہ کرتی ہوں
ادکارہ نے مالکان نے درخواست کرتے ہوئے کہا اگر آپ کا ورکر چھٹیوں پر ہے تو مہربانی کر کے اسے تنخواہ دیں جہاں تک ہو سکے حسب توفیق مدد کریں
کبرہ خان نے کہا سب کا رزق لکھا آتا ہے کسی کی مدد کرنے سے آپ کا رزق کم نہیں ہو گا یہ میرا نہیں اللہ تعالی کا وعدہ ہے اور وہ وعدہ خلافی نہیں کرتا
ماہرہ خان نے کورونا وائرس سے بچاؤ کے عالمی ادارہ صحت کے بتائے ہوئے مختلف طریقے شئیر کر دیئے
