خیبر پختونخواہ میں مزید مریض، پاکستان میں کرونا مریضوں کی تعداد 2423 ہو گئی
![](https://baaghitv.com/wp-content/uploads/2020/03/download-4-2.jpg)
خیبر پختونخواہ میں مزید مریض، پاکستان میں کرونا مریضوں کی تعداد 2423 ہو گئی
باغی ٹی وی کی رپورٹ کے مطابق ملک بھر میں کرونا کی سپیڈ جاری ہے، کرونا کے مریضوں کی تعداد 2423 ہو گئی ہے،
خیبر پختونخواہ میں کورونا وائرس کے مزید 37کیسز سامنے آگئے،خیبر پختون خوا میں کورونا وائرس کے کیسز کی تعداد 311 ہوگئی ہے، ملک بھر میں کرونا سے ہلاکتوں کی تعداد 33 تک جا پہنچی ہے۔ 9 مریضوں کی حالت تشویشناک ہے جبکہ 107 افراد صحتیاب ہو چکے ہیں۔
اس وقت کورونا وائرس کے سب سے زیادہ مریض پنجاب میں ہیں، پنجاب میں 922 مریض ہیں اور ہلاکتوں کی تعداد 9 ہے، صوبہ سندھ ہے جہاں 761 کنفرم کیس ہیں۔ بلوچستان میں 169، گلگت بلتستان میں 187، اسلام آباد میں 62 جبکہ آزاد کشمیر میں کورونا وائرس کے مریضوں کی تعداد 9 ہے۔
ترجمان پرائمری اینڈ سکینڈری ہیلتھ کئیر کے مطابق کورونا وائرس سے لاہور میں 5، راولپنڈی میں 4، فیصل آباد اور رحیم یار خان میں ایک ایک مریض جاں بحق ہوا۔ ڈی جی خان سے 213 زائرین، ملتان 91 زائرین، رائے ونڈ کورنٹین 142 اور فیصل آباد کورنٹین میں 5 افراد میں کورونا وائرس کی تصدیق ہو چکی ہے۔ لاہور میں 199، قصور 1، ننکانہ صاحب 13، راولپنڈی 53، جہلم 28، اٹک، ایک، گوجرانوالہ 14، گجرات 90، منڈی بہاء الدین 14، حافظ آباد 5، نارروال میں 2، سیالکوٹ ایک، سرگودھا 10، میانوالی 3، خوشاب1، ملتان 2، وہاڑی 2، فیصل آباد 9، رحیم یار خان میں 3، بہاولنگر 3، بہاولپور 1، لودھراں 2، لیہ ایک اور ڈی جی خان میں 5 مریض ہیں
وزیر صحت سندھ نے صوبے میں کورونا کے مزید 20 نئے کیسز کی تصدیق کر دی ہے۔ انہوں نے بتایا ہے کہ آج کراچی میں 12 جبکہ سکھر میں 8 کیسز رپورٹ ہوئے ہیں۔ سکھر میں رپورٹ نئے کیسز زائرین کے ہیں جنہیں 31 مارچ کو سکھر لایا گیا تھا۔ سکھر قرنطینہ میں اب تک 250 کرونا متاثرین زیر علاج جبکہ 23 زائرین صحتیاب ہو چکے ہیں۔ اب تک سندھ میں صحتیاب ہونے والوں کی مجموعی تعداد 56 ہو چکی ہے۔ کراچی میں اس وقت 295 اور حیدر آباد میں 135 کرونا متاثرین زیر علاج ہیں۔
صوبہ سندھ میں جاری لاک ڈاؤن کو مزید سخت کرنے کا فیصلہ کر لیا گیا ہے۔ جمعہ کی دوپہر 12 سے سہ پہر 3 بجے تک مکمل لاک ڈاؤن ہوگا۔ سندھ حکومت کی جانب سے جاری نوٹیفیکیشن کے مطابق ان اوقات کار میں عوام کی نقل وحرکت پر مکمل پابندی ہوگی۔ 3 سے 5 افراد کو باجماعت نماز ادا کرنے کی اجازت ہوگی۔ پیش امام، موذن، خادم اور اس کے علاوہ مزید 2 افراد باجماعت نماز پڑھ سکتے ہیں۔ نوٹیفکیشن میں ہدایت کی گئی ہے کہ شہری اپنے گھروں پر نماز ادا کریں۔
کرونا وائرس سے کس ملک کے فوج کے جنرل کی ہوئی موت؟
ٹرمپ کی بتائی گئی دوائی سے کرونا کا پہلا مریض صحتیاب، ٹرمپ نے کیا بڑا اعلان
کرونا کیخلاف منصوبہ بندی، پاکستان میں فیصلے کون کررہا ہے
لاک ڈاؤن کی خلاف ورزی کرنے والوں کے خلاف کاروائی کی جا رہی ہے،وزیراعلیٰ پنجاب سردار عثمان نے صوبہ بھر میں اشیائے ضروریہ کی دکانوں کے اوقات کار آج سے صبح 9 سے شام 5 بجے تک مقرر کر دیئے۔ احکامات کے مطابق صوبہ بھر میں کریانہ، سبزی کی دکانیں او رجنرل سٹورز وغیرہ شام 5 بجے بند ہوجائیں گے، میڈیکل سٹور اور فارمیسی کو نئے اوقات کار کی پابندی سے استثنیٰ حاصل ہوگا
خیبر پختونخوا حکومت نے کرونا وائرس کے خدشات کے پیش نظر اقدامات مزید سخت کر دئیے ہیں۔ محکمہ ریلیف وآبادکاری کی جانب سے جاری کردہ اعلامیہ کے مطابق علمائے کرام سے مشاورت کے بعد مساجد میں نمازیوں کی تعداد محدود کر دی گئی ہے۔اعلامیہ کے مطابق اب صرف انتظامی کمیٹی پر مشتمل پانچ افراد باجماعت نماز ادا کر سکیں گے تاہم عام لوگ مساجد کے بجائے اپنے گھروں نماز ادا کریں گے