کراچی : پاکستانیوں جاگو اس سے پہلے کہ دیر ہوجائے، مرتضیٰ وہاب کے انتباہ نے کرونا کی سنگینی کا احساس،اطلاعات کےمطابق ترجمان سندھ حکومت مرتضیٰ وہاب نے پاکستان میں کورونا وائرس کی صورتحال کو سنجیدہ قرار دیتے ہوئے عوام کو خبردار کیا ہے کہ وہ اس معاملے کو سنجیدہ لیں اس سے پہلے کہ دیر ہوجائے۔
Pakistan’s got its 1st #COVIDー19 patient on 26th February. We got our 1000th patient in 29 days. The 2000th patient in 7 days, 3000th patient in 5 days & probably the 4000th patient in 3 days. This is how serious the situation is. Pakistaniyo plz wake up before its too late
— Murtaza Wahab Siddiqui (@murtazawahab1) April 7, 2020
مرتضیٰ وہاب نے ٹوئٹر پر اپنے بیان میں کہا کہ پاکستان میں کورونا وائرس کا پہلا مریض 26 فروری کو سامنے آیا تھا جس کے بعد اگلے 29 دنوں میں یہ تعداد ایک ہزار ہوگئی۔ترجمان سندھ حکومت کے مطابق ایک ہزار مریضوں کے بعد اگلے 7 دنوں میں 2 ہزار مریضوں میں کورونا کی تشخیص ہوئی جس کے بعد مزید 5 دن میں کورونا مریضوں کی تعداد3 ہزار اور اس کے4 دنوں بعد یہ تعداد 4 ہزار ہوگئی۔
مرتضیٰ وہاب کا کہنا ہے کہ اعداد وشمار سے صورت حال کی سنجیدگی کا اندازہ ہوتاہے۔ان کا مزیدکہنا تھا کہ ‘پاکستانیوں جاگو اس سے پہلے کہ دیر ہوجائے’۔خیال رہے کہ پاکستان میں کورونا وائرس سے متاثرہ افراد کی تعداد 4 ہزار 7 ہوچکی ہے جن میں سے 55 افراد ہلاک ہوچکے ہیں۔
گذشتہ دنوں وفاقی حکومت کی جانب سے سپریم کورٹ میں کورونا وائرس سے بچاؤ کے قومی ایکشن پلان کی رپورٹ جمع کروائی گئی تھی جس میں کہا گیا تھا کہ کہ 25 اپریل تک کورونا کے تصدیق شدہ کیسز کی تعداد 50 ہزار تک پہنچنے کا خدشہ ہے۔
پورٹ میں بتایا گیا ہے کہ 25 اپریل تک کورونا کے 41 ہزار معمولی نوعیت اور 7 ہزار سنگین نوعیت کے کیسز ہو سکتے ہیں جن میں سے ڈھائی ہزار کے قریب کیسز تشویش ناک ہو سکتے ہیں۔
