چین سے میڈیکل ایمرجنسی ریلیف کےسامان کی دوسری کھیپ پاکستان پہنچ گئی

اسلام آباد :چین سے میڈیکل ایمرجنسی ریلیف کےسامان کی دوسری کھیپ پاکستان پہنچ گئی۔اطلاعات کے مطابق چین سے پاکستان کے لیئے امدادی سامان کی ایک اور کھیپ پہنچ گئی ہے ، چین سے میڈیکل سامان سے لدا جہاز پاکستان لنگراندازہوگیا ہے

پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق کورونا سے نمٹنے کیلئے درکار سامان میں پی سی آر، ٹیسٹنگ کٹس، سرجیکل ماسک شامل ہیں۔آئی ایس پی آر کے مطابق چین سے آنے والے سامان میں این 95 ماسک اور وینٹی لیٹرز بھی موجود ہیں جبکہ چین کی طبی ٹیم گزشتہ روز پاکستان پہنچ چکی ہے۔

پاکستان نے مشکل وقت میں امداد پر چین کا شکریہ ادا کیا ہے جبکہ چین کا کہنا ہے کہ جو ضرورت کے وقت کام آئے وہی حقیقی دوست ہوتا ہے۔