اٹلی :بریشیا شہر میں‌”پر امن پاکستان،پاک فوج زندہ باد”ریلی اور مظاہرے

بریشیا:پاکستان دشمن قوتیں اپنی پاکستان دشمنی میں اندھی ہوگئیں.کبھی جنیوا میں‌پراپیگنڈہ ریلیاں اور کبھی بریشیا میں پاکستان مخالف ریلیاں اورمظاہرے جاری رکھے ہوئے ہیں. ایسا ہی ایک واقعہ اٹلی کے ایک شہیر بریشیا میں پیش آیا جہاں پاکستان مخالف پروپیگنڈے کی کوشش کرنے والے عناصرکو محب وطن پاکستانیوں کی جانب سے ایک بار پھر منہ توڑ جواب دیا گیا ہےاورای یو پاک فرینڈ شپ فیڈریشن (اٹلی)، پشتون آرگنائزیشن (یورپ) ، عوام دوست گروپ (اٹلی) کے زیر اہتمام پرامن پاکستان ۔۔۔ پاک فوج زندہ باد ریلی اور مظاہرہ کا اہتمام کیا گیا۔

ای یو پاک فرینڈشپ فیڈریشن کے چیئرمین چوہدری پرویز اقبال لوہسر کی قیادت میں ریلی و مظاہرے میں سینکڑوں پاکستانیوں نے شرکت کی، شرکاء کی جانب سے پاکستان زندہ باد، پاک فوج زندہ باد اور منظورپشتین، نامنظور کے نعرے لگائے گئے۔اس موقع پرمظاہرین نے کہا کہ انٹرنیشنل سطح پر پاکستان کو بدنام کرنے کی کوشش کی گئی ہے جس کا جواب پاکستان زندہ باد ریلیوں کا انعقاد ہے-منظور پشتین ،علی وزیر اور محسن داوڑ اپنی دھرتی کے غدار ہیں اور دشمن ایجنسیوں کی پے رول پر ہیں اور وطن عزیز کا امن خراب کر ے کی کوشش کر رہے ہیں -پاکستان کے غیور بیٹے دنیا کے کسی بھی ملک میں مقیم ہوں وطن کی محبت کا گیت گاتے رہیں گے-

دیار غیر میں پاکستانیوں نے ایسی تمام آوازوں اور سوچ کو رد کردیا ہے جو پاکستان کی سالمیت کے خلاف ہیں -پاکستانیوں کا ایک ہی نعرہ ہے کہ پاکستان آج بھی زندہ باد ہے پاکستان کل بھی زندہ باد تھا اور ہےدیگر مقررین میں چئیرمین ای یو پاک فرینڈ شپ فیڈریشن اٹلی راجہ آفتاب، صدر چوہدری تجمل حسین کھٹانہ، چیف آرگنائزر اٹلی عبدالرحمان،جنرل سیکرٹری میاں آفتاب، نائب صدر فخر امام، سرپرست اعلی آصف کامران گوندل ، چئیرمین پشتون آرگنائزیشن یورپ نوید خان ، صدرپشتون آرگنائزیشن یورپ ارب خان، صدر پشتون آرگنائزیشن بلجیم جمیل خان، چوہدری اخلاق لوہسر، محمد قاسم ہنجرا، خالد چیمہ وارثی، نعمان وڑائچ، راجہ صدر،راجہ وسیم، زاہد طور،ملک احمد رضا وحید نے شرکت کی۔