پاکستان شوبز انڈسٹری کے معروف اداکار شان شاہد کے بعد اداکارہ اور میزبان ریما خان نے ’ارطغرل غازی‘ کوپی ٹی وی پر نشر کرنے کی مخالفت کردی-
باغی ٹی وی : وزیراعظم عمران خا ن کی ہدایت پر ترک ڈرامے’’ارطغرل غازی‘‘کو اردو میں ڈب کرکے یکم رمضان سے پاکستان کے سرکاری ٹیلی ویژن سے نشر کیا جارہا ہے اور اسے نہ صرف مقبولیت حاصل ہو ئی بلکہ یہ پاکستانیوں کا پسندیدہ ڈرامہ بن گیا ہے
اسلامی فتوحات کی تاریخ پر مبنی ترکی کے شہرہ آفاق ڈرامے ’ارطغرل غازی‘ جسے ترکی کا ’گیم آف تھرونز‘ بھی کہا جاتا ہے نے پاکستان میں دھوم مچائی ہوئی ہے پاکستان میں لوگ اس ڈرامے کے دیوانے ہوگئے ہیں سوشل میڈیا ڈرامے کی کہانی اور کرداروں کی تعریفوں سے بھرا پڑا ہے عام لوگوں کے ساتھ فنکار اور کئی معروف شخصیات بھی اس کے سحر میں مبتلا نظر آتے ہیں وہیں کچھ فنکار اس ڈرامے کو پی ٹی وی پر نشر کرنے پر تنقید بھی کر رہے ہیں
نجی چینل پر رمضان ٹرانسمیشن کی میزبان ریما خان کا ’ارطغرل غازی‘ کو سرکاری ٹی وی پر نشر کرنے کے حوالے سے کہنا تھا کہ دوسرے ممالک کے ڈرامے نشر کرنے سے مقامی فنکاروں اور تخلیق کاروں کی مقبولیت کے ساتھ ساتھ ان کے کام کو بھی خطرہ ہے۔
اداکارہ ریما کا کہنا تھا کہ سب سے پہلے فنکار شان شاہد نے اس مسئلے پر آواز اُٹھائی کہ سرکاری چینل پر ہمیں کسی دوسرے ملک کے ڈرامے نشر نہیں کرنے چاہئیں
انہوں نے کہا کہ جب آپ کے پاس نشر کرنے کو اپنا مواد بڑی تعداد میں موجود ہے، آپ کے اپنے فنکار گھروں میں بیٹھے ہیں لیکن پھر بھی آپ دوسروں سے مواد خرید کر اس کی تشہیر کر رہے ہیں۔
ریما خان کا مزید کہنا تھا کہ یہ چیز انہیں بہت تکلیف دیتی ہے کیونکہ ٹیکس دوسرے ملک کے آرٹسٹ نہیں بلکہ ملک کے آرٹسٹ دیتے ہیں ریما خان نے شان کی مخالفت کو ’حق کی آواز ‘ قرار دیتے ہوئے کہا کہ ہمیں مل کر اپنی لوکل انڈسٹری کو سپورٹ کرنے کی ضرورت ہے
واضح رہے کہ اس سے قبل شان شا ہد نے بھی تُرک ڈرامے کو پی ٹی وی پر نشر کرنے کی مخالفت کی تھی اداکار ٹویٹر پر اپنے ایک ٹویٹ میں لکھا تھا کہ کہ ہماری تاریخ اور ہمارے ہیروز کو تلاش کرنے کی کوشش کریں جس پر ارطغرل غازی کے چاہنے والوں نے ان کو خوب تنقید کا نشانہ بنایا تھا-
ارطغرل غازی پر تنقید کے جواب میں ہم نیوز کے سنئیر پروڈیوسر نے شان شاہد کو کھری کھری سنا دیں
