پاکستانی نامور بینڈ جنون کے معروف گلوکار سلمان احمد کو جنوبی ایشیائی تنظیم برائے علاقائی تعاون (سارک) نے صحت کے شعبے میں عالمی وبا کوویڈ 19 کا خیر سگالی سفیر مقررکر دیا ہے۔
باغی ٹی وی : پاکستانی نامور بینڈ جنون کے معروف گلوکار سلمان احمد کو جنوبی ایشیائی تنظیم برائے علاقائی تعاون (سارک) نے صحت کے شعبے میں عالمی وبا کوویڈ 19 کا خیر سگالی سفیرمقرر کر دیا ہے۔ کورونا کو شکست دینے والے معروف گلوکارسلمان احمد کا اس موقع پر کہنا تھا کہ پیارا وطن پاکستان میری جان اور شان ہے۔
سلمان احمد نے نے کہا کورونا وائرس نے دنیا بھر میں نظام زندگی کو مکمل طور پر مفلوج کر دیا ہے اس وبا کو شکست کے لئے ہمیں مل کر کام کرنا ہوگا۔
گلوکار کا کہنا تھا کہ اگر آپ نے کوویڈ 19 سے ایک زندگی بچالی تو سمجھیں آپ نے پوری انسانیت بچا لی-
واضح رہے کہ سلمان احمد اور ان کی اہلیہ ڈاکٹر ثمینہ احمد ایک خیراتی ادارہ بھی چلا رہے ہیں اس سے قبل سلمان احمد انسداد پولیو کی مہم میں اقوام متحدہ کے ذیلی ادارے کے بھی خیر سگالی سفیر کے طور پر کام کر رہے ہیں۔
