وزیراعظم عمران خان سے صوبائی وزیر ہائیر ایجوکیشن کی ملاقات

باغی ٹی وی کی رپورٹ کے مطابق وزیراعظم عمران خان سے صوبائی وزیر برائے ہائر ایجوکیشن پنجاب راجہ یاسر ہمایوں سرفراز کی ملاقات ہوئی ہے،

ملاقات میں راجہ یاسر ہمایوں سرفراز نے وزیراعظم کو پنجاب میں یونیورسٹی روڈ میپ پر عملدرآمد کے حوالے سے اقدامات پر آگاہ کیا اور کوروناوائرس وبا کے دوران بھی اسی عزم کے تحت تعلیم کے فروغ کے لئے اقدامات جاری رکھنے کا اعادہ کیا.

وزیراعظم عمران خان سے صوبائی وزیر برائے ہائر ایجوکیشن پنجاب راجہ یاسر ہمایوں سرفراز کی ملاقات۔ pic.twitter.com/cdzSL5mlxH

— Government of Pakistan (@GovtofPakistan) June 13, 2020

قبل ازیں گورنر پنجاب چوہدری محمد سرور کی وزیر اعظم عمران خان سے ملاقات ہوئی ہے

گور نر نے وزیراعظم کو کورونابحران سے متاثرہ خاندانوں کیلئے اقدامات بارے بتایا، گورنر پنجاب نے وزیراعظم عمران خان کو بریفنگ دیتے ہوئے کہا کہ پنجاب میں 12لاکھ 65ہزار سے زائد غر یب خاندانوں کو راشن فراہم کر چکے ہیں ،پنجاب ڈویلپمنٹ نیٹ ورک میں 60سے زائد فلاحی تنظیمیں کورونا متاثر ین کی مدد کر رہی ہیں

گورنر پنجاب نے وزیراعظم کو بریفنگ دیتے ہوئے مزید کہا کہ ڈاکٹر ز کیلئے1لاکھ70ہزار پی پی ایزکٹس اور2لاکھ60ہزار میڈیکل کٹس فراہم کر چکے ہیں.فلاحی تنظیموں ‘بزنس کیمونٹی سمیت دیگر افراد کی مدد سے ابتک کورونا بحران کے متاثر ین کیلئے 4.5ارب خرچ کر چکے ہیں

قبل ازیں وزیر اعظم عمران خان اور وزیراعلیٰ پنجاب سردار عثمان بزدار کی ون آن ون ملاقات ہوئی جس میں کورونا وائرس اور ٹڈی دل کے حوالے سے تبادلہ خیال کیا گیا