ممبئی:تیوارے ڈیم ٹوٹ گیا درجنوں ہلاک ولاپتہ،لوگوں کے گھر بھی بہہ گئے

ممبئی:رتناگری کے علاقے میں تیوارے ڈیم ٹوٹ گیا درجنوں افراد اس ڈیم کے پانی میں‌بہہ گئے جن میں سے 19 افراد کی لاشیں ابھی تک مل سکی ہیں.اطلاعات کے مطابق یہ ڈیم جمعہ کی شب 7 بجے ٹوٹا ہے اور ابھی تک اس کے کٹاو اور بہاو پر قابو نہیں پایا جاسکا

پولیس حکام کا کہنا ہے کہ ڈیم ٹوٹنے سے 25 سے زائد افراد ابھی تک لاپتہ ہیں.حکام کےمطابق اس بند کے ٹوٹنے کی وجہ بدھ سے تیز بارشیں ہیں جس کی وجہ سے ڈیم کے پانی میں اضافہ ہونےسے ڈیم کا بند ٹوٹ گیا ہے یہ ڈیم ممبئی سے 275 کلومیٹر دور رنتا گری کے علاقے میں‌واقعہ ہے .حکام کے مطابق بند ٹوٹنے سے درجنوں مکان بھی بہہ گئے ہیں اور عوام الناس کا کروڑوں کا نقصان ہوا ہے.