بالی وڈ اداکار سوشانت سنگھ راجپوت کی خودکشی کے بعد سے بالی وڈ انڈسٹری میں اقربا پروری کے حوالے سےبحث جاری ہے۔ اس حوالے سے گلوکار سونو نگم نے ایک وی لاگ شئیر کیا ہے۔

باغی ٹی وی : سونو نگم نے یو ٹیوب پر اپنا ایک03 منٹ اور 53 سیکنڈ پر مشتمل وی لاگ لاتوں کے مافیا باتوں سے نہیں مانتے کے عنوان سے شئیر کیا جس میں انہوں نے کہا کہ لاتوں کے بھوت باتوں سے نہیں مانتے اور شرافت کی زبان سب کو سمجھ نہیں آتی۔

سونو نگم نے اپنے وی لاگ کے آغاز میں بھارتی میڈیا چینل ٹائمز آف انڈیا کو بھی آڑے ہاتھوں لیتے ہوئے کہا کہ آپ بھارت کا ایک جانا مانا میڈیا کا نام ہیں انہوں نے کہا کہ سوشانت والا کیس اسمیں کسی کی پبلسٹی نہیں ہو رہی یہ صحیح غلط کی بات ہو رہی ہے کسی کے مستقبل کی بات ہو رہی ہے اس میں اپ پورا کا پورا ویسا آرٹیکل ڈال دیں گے جو ان کی پریس ریلیز ہے کچھ تو تبدیل کریں آپ ان کا نقطہ نظر لکھ رہے ہیں ان کی ورڈنگ کو پریس ریلیز کو تنقید کا نشانہ بنایا کہا پریس ریلیز ہم بھی جانتے ہیں بہت پہلے سے انڈسٹری میں ہیں سب جانتے ہیں پریس ریلیز کیا ہوتی ہے کیسے لکھی جاتی ہے کیا زبان استعمال کی جاتی ہے-

اپنے وی لاگ میں سونونگم نے معروف میوزک کمپنی ٹی- سیریز کے مالک بھوشن کمار کا نام لے کر ان کو کہا کہ انہوں نے غلط آدمی سے ’پنگا‘ لے لیا ہے اور اب ان کا نام سب کے سامنے لینا ہی پڑے گا۔

واضح رہے کہ بالی ووڈ میں اقراباپروری کے حوالے سے معروف بھارتی ٹی وی چینل پر مباحثے میں میوزک انڈسٹری کے چھ گلوکاروں اور موسیقاروں کو دو دن پہلے مدعو کیا گیا اور ان سے سونو نگم کے خیالات کہ بھارتی میوزک انڈسٹری میں اقربا پروری موجود ہے کے بارے میں پوچھا گیا تو پینل میں موجود تمام افراد نے اس تاثر کو زائل کیا کہ میوزک انڈسٹری میں اقربا پروری ہوتی ہے۔

اس پروگرام کے جواب میں سونو نگم نے اپنے وی لاگ میں پروگرام کے شرکا پر تنقید کرتے ہوئے کہا کہ انہوں نے کسی کا نام نہیں لیا تھا اور ’لاتوں کے بھوت باتوں سے نہیں مانتے اور ’شرافت کی زبان سب کو سمجھ نہیں آتی۔

انہوں نے کہا کہ بھوشن کمار کے ساتھ ماضی کے مبینہ قصوں کا ذکر کرتے ہوئے کہا کہ بھوشن کمار ان کے پاس البم کرنے کے لیے فریاد لے کر آیا کرتے تھے۔

سونو نگم نے بھوشن کمار کو مخاطب کرتے ہوئے کہا کہ شاید تم وہ وقت بھول گئے ہو جب میرے پاس آیا کرتے تھے اور کہتے تھے کہ بھائی میرا البم کر دیں بھائی مجھے سمتا ٹھاکرے، بال ٹھاکرے سے ملوا دو، مجھے ابو سلیم سے بچا لو، وہ مجھے فون پر گالیاں دے رہا ہے۔

انہوں نے بھوشن کمار کو دھمکی دیتے ہوئے کہا کہاب تم میرے منہ مت لگنا۔ مرینہ کوار یاد ہے نا؟ وہ کیوں بولی کیوں پیچھے ہٹی یہ سب میڈیا کو پتا ہے اور اس کی ویڈیو میرے پاس پڑی ہے اب اگر تو نے مجھ سے پنگا لیا تو وہ ویڈیو میں اپنے یوٹیوب چینل پر ڈال دوں گااور بہت دھوم دھام سے ڈالوں گا-

واضح رہے کہ بال ٹھاکرے شیو سینا کے سابق سربراہ ہیں جبکہ سمتا ٹھاکرے ان کی بہو اور فلم پروڈیوسر بھی ہیں۔ شیو سینا دائیں بازو کی ہندو جماعت ہے جو کہ ہندوتوا میں یقین رکھتی ہے اور ماضی میں مسلمانوں اور پاکستان کے خلاف مظاہروں میں شامل رہی ہے جبکہ ابو سلیم بھارت کا مشہور ڈان ہے جس پر 1993 کے ممبئی حملوں کا بھی الزام تھا۔

یاد رہے کہ اس سے قبل سوشانت کی خودکشی کے بعد سونو نگم نے اپنا ایک وی لاگ شئیر کیا تھا جس میں گلوکار نے کسی کا نام لیے بغیر دو میوزک کمپنیوں کے مالکان کو ’مافیا‘ سے تشبیہ دیتے ہوئے کہا تھا کہ آج سوشانت سنگھ مرا ہے مگر کل کو آپ کسی گلوکار کے بارے میں یا کمپوزر یا گیت نگار کے بارے میں سن سکتے ہیں کیونکہ فلموں سے بڑا مافیا میوزک انڈسٹری میں موجود ہے اور وہ ہی طے کرتے ہیں کہ کون گانا گائےگا اور کس سے نہیں-

سونو نگم نے کہا تھا کہ پورابھارت کئی طرح کے دباؤ سے گزر رہا ہے۔ ایک تو ذہنی اور جذباتی دباؤ، سوشانت سنگھ راجپوت کے جانے کے بعد دکھ ہونا لازمی بھی ہے، کیونکہ اپنے سامنے ایک جوان زندگی کو جاتے ہوئے دیکھنا آسان نہیں ہے۔ کوئی بہت سخت ہی ہو گا جسے اس بات سے کوئی فرق نہیں پڑتا ہو۔

گلوکار نے کہا تھا کہ اس کے علاوہ بھارت اور چین کے مابین جو چل رہا ہے جس میں بھارت کے بیس جوان جوتڑپ تڑپ کر مرے ہیں۔ میں ایک بھارتی ہوں لیکن اس سے بھی زیادہ ایک انسان ہوں آپ کی طرح۔

انہوں نے کہا کہ میں اس وی لاگ سے ایک درخواست کرنا چاہتا ہوں خاص کر میوزک انڈسٹری سے۔ کیونکہ آج سوشانت سنگھ راجپوت مرا ہے ایک اداکار مرا ہے کل کو آپ کسی گلوکار کے بارے میں بھی ایسا سن سکتے ہیں یا پھر کسی میوزک کمپوزر کے بارے میں بھی یا کسی گیت کار کے بارے میں سن سکتے ہیں۔ کیونکہ میوزک انڈسٹری کا جو ماحول ہے ہمارے ملک میں فلموں سے بڑا مافیا میوزک انڈسٹری میں ہے بدقسمتی سےیہاں جو نئے بچے آئے ہیں ان کے لئے بہت مشکل ہے۔