بریسٹ کینسر جیسے موذی مرض کینسر کا شکار ہالی وڈ کی معروف اداکارہ کیلی پرسٹن 57 سال کی عمر میں چل بسیں۔
باغی ٹی وی :57 سالہ کیلی کے شوہر اداکار جان ٹرو وولٹا نے انسٹاگرام پر اہلیہ کی تصویر شیئر کرتے ہوئے اداکارہ کی موت کی اطلاع دی۔
https://www.instagram.com/p/CCkgCG5ptxE/
انہوں نے اپنے پیغام میں لکھا کہ میری خوبصورت بیوی چھاتی کے کینسر سے اپنی دو سالہ جنگ ہار گئی ہے۔
انہوں نے لکھا کہ کیلی نے بڑی ہمت، حوصلے اور جرات مندی سے بریسٹ کینسر کا مقابلہ کیا لیکن بدقسمتی سے انہیں شکست ہوگئی۔
جان ٹرو وولٹا نے اپنے پیغام میں کیلی کے تمام ڈاکٹرز، نرسز اور دیگر اسٹاف سمیت چاہنے والوں اور نیک تمناؤں کا اظہار کرنے والوں کا شکریہ بھی ادا کیا۔
انہوں نے کہا کہ وہ کچھ عرصے کے لئے مداحوں سے رابطے مین نہیں رہ سکین گے کیونکہ وہ اپنے بچوں کے ساتھ وقت گزاریں گے جنہوں نے اپنی ماں کو کھو دیا ہے-
13 اکتوبر 1962 کو ہوائی میں پیدا ہونے والی کیلی نے یونیورسٹی آف ساؤتھ کیلیفورنیا سے اداکاری کی تعلیم حاصل کی۔ انہوں نے بےشمار ٹی وی سیریز، سیزن اور ہالی وڈ فلموں میں اداکاری کے جوہر دکھائے۔
