بلوچستان میں کورونا وائرس پھر سر اٹھانے گا

بلوچستان میں کورونا وائرس پھر سر اٹھانے گا

باغی ٹی وی : بلوچستان میں کورونا وائرس میں مبتلا افراد کی تعداد میں پھر تیزی کا رجحان سامنے آنے لگا۔

صوبے کے 4 اضلاع میں 24 گھنٹوں کے دوران کورونا وائرس کے 80 نئے مریض سامنے آنے کے بعد اس وائرس کے مجموعی مریضوں کی تعداد16 ہزار 248ہو گئی ہے۔

صوبے میں اس وقت اسپتالوں، قرنطینہ مراکز اور گھروں پر کورونا وائرس کے صرف 1 ہزار 303 مریض زیرِ علاج ہیں۔
پاکستان میں کورونا کے ایکٹو کیسز کی تعداد 15 ہزار 932 ہوگئی ہے ،سندھ میں کورونا کے ایک لاکھ 25 ہزار 632 کیسز رپورٹ ہوئے ہیں،پنجاب میں 95 ہزار 203، خیبر پختونخوا ہ میں 35 ہزار 91، بلوچستان میں 12 ہزار 144، اسلام آباد میں 15 ہزار 346، آزاد کشمیر میں 2 ہزار 179 اور گلگت بلتستان میں کورونا کیسز کی تعداد 2 ہزار 452 ہو گئی ہے،

پنجاب میں کورونا وائرس سے جاں بحق افراد کی تعداد 2 ہزار 180، سندھ میں 2 ہزار 307، خیبر پختونخوا میں ایک ہزار 236، اسلام آباد میں 173، بلوچستان میں 138، آزاد کشمیر میں 59 اور گلگت بلتستان میں 60 ہو چکی ہے.