پیٹرولیم مصنوعات کی قیمتوں میں ردوبدل کا فیصلہ آج ہو گا۔
باغی ٹی وی :آئل اینڈ گیس ریگولیٹری اتھارٹی (اوگرا) نے دو روز قبل پیٹرول کی قیمت میں سات روپے اور ڈیزل کی قیمت میں آٹھ روپے فی لیٹر اضافے کی تجویز پیٹرولیم ڈویژن کو بھجوا دی تھی تاہم حکومت کی جانب سے پیٹرول کی قیمت میں ردوبدل کرنے کا فیصلہ آج کیا جائے گا جس کا اطلاق آج رات 12 بجے سے ہو گا۔
پیٹرول اور ڈیزل کے علاوہ اوگرا نے مٹی کے تیل اور لائٹ ڈیزل کی قیمتوں میں بھی اضافےکی تجویز دی تھی۔
اوگرا نے تجاویز30 روپے فی لیٹر پیٹرولیم لیوی کی بنیاد پر ارسال کیں۔ پٹرول کی قیمت میں 26 روپے70 پیسے پیٹرولیم لیوی شامل ہے.ڈیزل کی قیمت میں 25 روپے 73 پیسے فی لیٹر پیٹرولیم لیوی شامل ہے.
واضح رہے کہ اوگرا کی جانب سے سمری پیٹرولیم ڈویژن کو بھجوادی گئی ہے،پیٹرول کی قیمت میں 7 اور ڈیزل کی قیمت میں 8 روپے فی لیٹر تک اضافے کی تجویز دی گئی ہے،اوگرا نے مٹی کے تیل اور لائٹ ڈیزل آئل کی قیمتوں میں بھی اضافے کی تجویز دی ہے،
پٹرولیم مصنوعات کی قیمتوں میں اضافے پر حتمی فیصلہ وزارت خزانہ وزیراعظم کی مشاورت سے کرے گی,
قبل ازیں بتایا گیا تھا کہ ستمبر سے ہر 15 دن بعد پیٹرول کی قیمتوں میں ردو بدل کرنے کا فیصلہ، اقتصادی رابطہ کمیٹی (ای سی سی) کے فیصلے کے مطابق 15روزہ بنیاد پر پیٹرولیم قیمتوں کا تعین اگلے ماہ سے کیا جائے گا، رواں ماہ اگست کے اختتام تک موجودہ پیٹرولیم قیمتیں برقرار رہیں گی اور 15 روزہ بنیاد پرتیل کی قیمتوں کا تعین یکم ستمبرسےشروع ہوگا
یکم ستمبر سے پیٹرولیم مصنوعات کی قیمتوں میں اضافے کی تجویز
