اداکارہ مومل شیخ کے ہاں بیٹی کی پیدائش

پاکستان شوبز انڈسٹری کے سئینئیر اداکار جاوید شیخ کی بیٹی اداکارہ مومل شیخ کے ہاں بیٹی کی پیدائش ہوئی ہے بیٹی کی پیدائش کی خبراداکارہ نے مداحوں کو سوشل میڈیا پر دی-

باغی ٹی وی : اداکارہ مومل شیخ نے بیٹی کی پیدائش کی خبر سماجی رابطے کی ویب سائٹ انسٹاگرام پر بیٹی کا ہاتھ تھامے تصویر شیئر کرتے ہوئے دی بیٹی کا نام علیہا نادر نواز رکھا گیا ہے-
https://www.instagram.com/p/CEi-YhQDF9a/?igshid=qhylrl19iihs
تصویر شئیرکرتے ہوئے اداکارہ نے لکھا کہ اللہ کے فضل و کرم سے مجھے یہ اعلان کرتے ہوئے خوشی ہورہی ہے کہ ہماری نواز اور شیخ فیملی میں ایک ممبر کا اضافہ ہوا ہے۔

مومل نے لکھا کہ میری بیٹی علیہا نادر نواز کا ویلکم کریں جس نے اس دنیا میں 20 اگست کو قدم رکھا۔

34 سالہ مومل شیخ نے مداحوں سے بیٹی سمیت پوری فیملی کو دعاؤں میں یاد رکھنے کی درخواست کی-

اداکارہ نے بتایا کہ اُن کا بڑا بھائی ابراہیم نادر نواز بھی بہن کی آمد پر خوش اور پرجوش ہے۔

مومل کی اس پوسٹ کے بعد ساتھی فنکاروں اور مداحوں کی جانب سے مبارکباد اور نیک تمناؤں کے اظہار کے پیغامات موصول ہورہے ہیں۔

مبارکباد کے پیغامات دینے والوں میں اداکارہ ماہرہ خان،ایمن خان، منشاپاشا ، اُشنا شاہ، ثروت گیلانی، مریم نفیس، سبا فیصل صنم جھنگ،سنیتا مارشل نادیہ حسین خان ،سعیدہ امتیاز عینی جعفری رحمن ،شگفتہ اعجاز اور اداکر دانش تیمور اور علی رحمن شامل ہیں-

مومل شیخ انسٹاگرام سکرین شاٹس

خیال رہے کہ مومل شیخ پاکستان شوبز انڈسٹری کے سینئر ادکار جاوید شیخ کی بیٹی ہیں مومل شیخ نے 2012 میں نادر نواز سے شادی کی تھی مومل کا علیہا سے پہلے پانچ سال کا بیٹا ابراہیم بھی ہے۔