ہالی وڈ کے مقبول ترین اداکار ون ڈیزل کے ایکشن کے بعد اب ان کے مداح انہیں گلوکاری کرتے ہوئے بھی دیکھ سکیں گے۔
باغی ٹی وی:53 سالہ ایکشن ہیرو ون ڈیزل اگرچہ کافی عرصے سے مداحوں سے گلوکاری کی دنیا میں قدم رکھنے کا وعدہ کرتے آ رہے تھے تاہم اب انہوں نے اپنا پہلا گانا بھی ریلیز کردیا ون ڈیزل نے اپنا پہلا گانا (Feel Like I Do) ‘فیل لائک آئی ڈو’ ریلیز کردیا-
یو ایس اے ٹوڈے کی رپورٹ کے مطابق ون ڈیزل نے ‘فیل لائک آئی ڈو’ کو ڈی جے کریگو کے تعاون سے ریلیز کیا اور گانے کا ریویو معروف امریکی ریئلٹی شو ‘دی کیلی کلارکسن شو’ میں کیا گیا۔
ون ڈیزل اگرچہ ماضی میں میوزک منصوبوں پر کام کرتے رہے ہیں تاہم اب انہوں نے باضابطہ طور پر گلوکاری کا آغاز بھی کردیا۔
ون ڈیزل نے ڈیبیو گانا ریلیز کے حوال سے اپنی سوشل میڈیا پوسٹس ٹئٹر اور انسٹاگرام میں بھی خوشی کا اظہار کرتے ہوئے گانے کو پسند کرنے پر مداحوں کا شکریہ ادا کیا۔
ون ڈیزل کے جاری کئے گئے گانے کی ویڈیو تاحال جاری نہیں کی گئی ابھی گانے کی پوئٹری ویڈیو جاری کی گئی ہےخیال کیا جا رہا ہے کہ جلد ہی گانے کی ویڈیو بھی جاری کردی جائے گی۔
Friday… Kygo! Stay tuned.
Grateful and blessed. pic.twitter.com/8B2G6UwSm1— Vin Diesel (@vindiesel) September 25, 2020
ون ڈیزل اس وقت اپنی آنے والی ایکشن فلم ’فاسٹ اینڈ فیوریس 9‘ کی تکمیل میں مصروف ہیں خبریں ہیں کہ ان کی مذکورہ فلم مکمل ہو چکی ہے تاہم کورونا کے باعث اس کی ریلیز تاخیر کا شکار ہے۔
واضح رہے کہ ون ڈیزل نے 1990 میں کیریئر کا آغاز کیا تھا اور اب تک وہ تین درجن سے زائد فلموں میں اداکاری کے جوہر دکھا چکے ہیں۔
https://www.instagram.com/p/CFiCabWsLnc/?utm_source=ig_embed
شاندار ایکشن اداکاری کے باعث متعدد ایوارڈز جیتنے والے ون ڈیزل کو سب سے زیادہ شہرت ’فاسٹ اینڈ فیوریس‘ میں ڈومنک ٹریٹو ’ڈوم‘ کا کردار ادا کرنے سے ملی تاہم انہوں نے متعدد دیگر ایکشن فلموں میں بھی شاندار اداکاری کے جوہر دکھائے۔
