بالی وڈ کے آنجہانی اداکار سوشانت سنگھ راجپوت کی خودکشی کیس کی تفتیش سے متعلق آل انڈیا انسٹیٹیوٹ آف میڈیکل سائنس(اے آئی آئی ایم ایس) کی جانب سے سینٹرل بیورو آف انویسٹی گیشن کو جمع کرائی گئی رپورٹ میں کہا گیا ہے کہ اداکار کو قتل نہیں کیا گیا۔
باغی ٹی وی : بالی وڈ کے آنجہانی اداکار سوشانت سنگھ راجپوت کی خودکشی کیس کی تفتیش سے متعلق ے آئی آئی ایم ایس کی جانب سے سینٹرل بیورو آف انویسٹی گیشن کو جمع کرائی گئی رپورٹ میں کہا گیا ہے کہ اداکار کو قتل نہیں کیا گیا چند روز قبل بھارت کے مرکزی ادارے سینٹرل فرانزک سائنس لیبارٹری (سی ایف ایس ایل) نے بھی دعوی کیا تھا کہ انہیں ایسے شواہد نہیں مل، جن سے یہ بات ثابت کی جا سکے کہ اداکار کو قتل کیا گیا۔
این ڈی ٹی وی کی رپورٹ کے مطابق دہلی کے اے آئی آئی ایم ایس سے تعلق رکھنے والے ڈاکٹروں کی ایک ٹیم نے سی بی آئی کو اپنی رائے میں کہا ہے کہ اداکار سوشانت سنگھ راجپوت کو قتل نہیں کیا گیا تھا اور یہ خودکشی کا معاملہ ہے –
ذرائع نے این ڈی ٹی وی کو بتایا ہے کہ اداکار کے اہلخانہ اور ان کے وکیل کی جانب سے زہر دینے اور گلا گھوٹنے کے نظریات کو مسترد کردیا ہے-
34 سالہ بھارتی اسٹار 14 جون کو اپنے ممبئی اپارٹمنٹ میں مردہ حالت میں پائے گئے تھے۔ اگرچہ ممبئی پولیس نے پوسٹ مارٹم پر مبنی اس کو خود کشی ، اور سوشل میڈیا پر انصاف کی مہم قرار دیا اور سوشانت سنگھ راجپوت کے اہل خانہ کے الزامات نے شکوک و شبہات کو جنم دیا جو سی بی آئی کی مجموعی تحقیقات کا ایک حصہ بن گیا۔
ذرائع نے کہا کہ اے آئی آئی ایم ایس کے پینل نے اس کیسں میں حتمی میڈیکو-لیگل رائے دینے کے بعد جانچ مکمل کرلی اور فائل بند کردی ہے جبکہ سی بی آئی اپنی تحقیقات کے ساتھ اس رپورٹ کی تائید کررہی ہے۔
ذرائع نے کہا کہ ممکن ہے کہ سی بی آئی کی جانب سے خودکشی کی وجوہات کی تفتیش جاری رکھے یہ الزام بنیادی طور پر بہار پولیس کی جانب سے شامل کیا گیا تھا۔
انہوں نے یہ بھی کہا کہ اے آئی آئی ایم ایس پینل نے ممبئی ہسپتال کی رائے سے اتفاق کیا ہے جنہوں نے سوشانت سنگھ کا پوسٹ مارٹم کیا تھا ممبئی ہسپتال نے پوسٹ مارٹم رپورٹ میں پھندا لگ کر دم گھٹنے کو موت کی وجہ قرار دیا تھا۔
ذرائع نے یہ بھی کہا حالات کے شواہد سے بھی معلوم ہوتا ہے کہ یہ خودکشی کا معاملہ ہے نہ کہ قتل کا۔
سوشانت سنگھ راجپوت کے اہل خانہ اور کچھ دوستوں نے سوال اٹھایا تھا کہ ان کی موت کیسے ہوئی؟
سینٹرل فرانزک سائنس لیبارٹری (سی ایف ایس ایل) کو سی بی آئی نے ذمہ داری دی تھی کہ وہ دوبارہ سے رپورٹ تیار کرے تاکہ معاملے کی تہہ تک پہنچا جا سکے-
ذرائع نے کہا کہ تحقیقات میں ابھی تمام پہلوؤں کو دیکھا جارہا ہے شواہد سامنے آنے کی صورت میں انڈین پینل کوڈ کی دفعہ 302 (قتل) شامل کی جائے گی لیکن 45 روز کی تحقیقات میں کچھ سامنے نہیں آیا۔
سی بی آئی کی تحقیقات اس وقت شروع ہوئی جب اہل خانہ نے اداکار کی گرل فرینڈ ریا چکرورتی پر الزام لگایا کہ وہ اسے ذہنی طور پر ہراساں کررہی ہے ، اسے دوائی دیتی رہی ہے ، پیسوں کے لئے اس کا استحصال کرتی رہی ہے –
57 روز سے جاری تحقیقات میں سی آئی اے 20 لوگوں سے پوچھ گچھ کی ہے اور ذرائع کے مطابق ایجنسی نے قبضے میں لیے گئے لیپ ٹاپ، ہارڈ ڈرائیوز، ڈیجیٹل کیمرے اور 2 موبائل فونز کی فرانزک جانچ بھی کی ہے۔
بھارتی خبر رساں ادارے این ڈی ٹی وی کے مطابق سی آئی اے کے ذرائع نے بتایا قتل کے زاویے کو شامل کرنے کے تمام پہلوؤں پر غور کیا جارہا ہے اب تک اس کو قتل کا مقدمہ ثابت کرنے کے لئے کوئی ثبوت سامنے نہیں آیا۔ اگر تفتیش کے دوران ہمیں کوئی ثبوت مل گیا تو قتل کا الزام عائد ہوگا ابھی کے لئے ایف آئی آر میں خودکشی اور دیگر الزامات کی تحقیقات کی جارہی ہیں۔
گزشتہ ہفتے سوشانت سنگھ کے اہلخانہ کے وکیل وکاس سنگھ نے دعویٰ کیا تھا کہ انہیں اے آئی آئی ایم ایس پینل کے ایک ڈاکٹر نے بتایا تھا کہ سوشانت کا گلا گھونٹا گیا تھا۔
انہوں نے ٹوئٹ کی تھی سی بی آئی کی جانب سے سوشانت کے خودکشی کی وجہ کو قتل میں تبدیل کرنے میں تاخیر پر مایوسی ہوئی ہے۔
وکیل نے کہا کہ اے آئی آئی ایم ایس کی ٹیم کے ایک ڈاکٹر نے مجھے بہت پہلے بتایا گیا تھا کہ میری بھیجی گئی تصاویر سے 200 فیصد عندیہ ملتا ہے کہ سوشانت کی موت گلا گھوٹنے سے ہوئی اور یہ خودکشی نہیں ہے۔
اس دعوے کے بعد ریا چکرورتی کے وکیل نے تحقیقات کو غیر جانبدارانہ اور غیرجانبدار رکھنے کے لئے ایک نیا میڈیکل بورڈ بنانے کا مطالبہ کیا تھا۔
گذشتہ پیر کو ایک بیان میں ، سی بی آئی نے کہا تھا کہ وہ "پیشہ ورانہ تحقیقات” کر رہی ہے جہاں "تمام پہلوؤں کو دیکھا جا رہا ہے اور کسی بھی پہلو سے انکار نہیں کیا گیا ہے-”
