یورپی تاجروں کو پاکستان میں سرمایہ کاری مواقع سے فائدہ اٹھانا چاہئے،مشیر تجارت

اسلام آباد: وزیر اعظم کی ہدایت کے مطابق معاشی ٹیم نے غیر ملکی سرمایہ کاروں کو پاکستان میں‌ سرمایہ کرنے کی ترغیبات دینا شروع کردیں. اسی سلسلے میں مشیر تجارت عبدالرزاق داؤد نے یورپین تاجروں سے کہا کہ یورپین سرمایہ کار پاکستان میں سرمایہ کاری سے فائدہ اٹھائیں، موجودہ حکومت بیرونی سرمایہ کاروں کو ہر ممکن سہولت فراہم کررہی ہے۔

اسلام آباد سے ذرائع کے مطابق مشیر تجارت عبدالرزاق داؤد سے یورپی یونین کے سفیرژاں فرنسواں نے اسلام آباد میں ملاقات کی، ملاقات میں باہمی دلچسپی کے امور اور پاکستان یورپی یونین کے تعلقات پر تبادلہ خیال کیا گیا۔ مشیر تجارت نے یورپی یونین کے سفیر کو کہا کہ موجودہ حکومت بیرونی سرمایہ کاروں کو ہر ممکن سہولت فراہم کررہی ہے ،یورپین سرمایہ کار پاکستان میں سرمایہ کاری سے فائدہ اٹھائیں۔ دوسری طرف ژاں فرانسواں کا کہنا تھا کہ پاکستان اپنی برآمدی مصنوعات کے حوالے سے ویلیو ایڈیشن پر توجہ دے ،ویلیو ایڈیشن سے پاکستان کی یورپ کو برآمدات میں مزید اضافہ ہو سکتا ہے۔