لاہور:پنجاب حکومت نے صوبے کی پولیس کی کارکردگی کو بہتر کرنے کے لیے اقدامات کرنے شروع کردئیے اس سلسلے میں محکمہ خزانہ نے پنجاب پولیس کو رواں مالی سال کے بجٹ کا پہلا کوارٹر جاری کردیا، تنخواہوں ، خریداری اور تیل سمیت دیگر امور کیلئے ٹوٹل بجٹ کا تیس فیصد جاری کیا گیا ہے۔
محکمہ خزانہ کے مطابق مالی سال کے پہلے کوارٹر کا بجٹ جاری کردیا گیا ہے جس میں پولیس کے مجموعی 115 ارب کے بجٹ میں سے 30 فیصد جاری کیا گیا ہے، پہلے کوارٹر کی رقم 35 ارب روپے جاری کی گئی ہے،
بجٹ کا 85 فیصد حصہ تنخواہوں کی مد میں استعمال کیا جائے گا، ساڑھے 4 فیصد تیل اور باقی رقم ذیلی یونٹس اور خریداری سمیت دیگر امور کیلئے تقسیم کی جائے گی
