سعودی عرب کا تکبر،ایران کے لیے فائدہ مند،ایرانی وزیرخارجہ اہم مشن پرسلام آباد پہنچ گئے

اسلام آباد :سعودی عرب کا تکبر،ایران کے لیے فائدہ مند،جوادظریف اسلام آبادمیں اہم ملاقاتیں کریں گے،اطلاعات کے مطابق ایرانی وزیرخارجہ کی اسلام آباد آمد، سیاسی و عسکری قیادت سے ملاقاتیں کرینگے

ذرائع کے مطابق سعودی عرب کے تکبر کاایران نے بھرپورفائد اٹھاتے ہوئے اپنے وزیرخارجہ کوفی الفوراسلام آباد بھیج دیا ، ادھر ایرانی وزیرخارجہ جواد ظریف 2 روزہ دورے پر اسلام آباد پہنچ گئے۔

ترجمان دفتر خارجہ کے مطابق ایرانی وزیر خارجہ دورہ پاکستان کے دوران صدر مملکت عارف علوی اور وزیر اعظم عمران خان سے ملاقاتیں کریں گے۔

جواد ظریف کل اپنے پاکستانی ہم منصب شاہ محمود قریشی سے وفود کی سطح پر مذاکرات کریں گے۔سفارتی ذرائع کے مطابق ایرانی وزیرخارجہ کل آرمی چیف جنرل قمر جاویدباجوہ سے بھی ملاقات کریں گے۔

ایرانی میڈیا کے مطابق جواد ظریف دورہ اسلام آباد کے موقع پر پاکستانی حکام سے اپنی ملاقاتوں میں باہمی تعلقات، دونوں ملکوں کے درمیان طے پانے والے معاہدوں کے نفاذ سمیت بین الاقوامی اور علاقائی مسائل پر مذاکرات کریں گے۔