لارڈ نذیراحمد نے استعفیٰ دیا یا ہٹایاگیا،اہم وجہ سامنے آگئی
![](https://baaghitv.com/wp-content/uploads/2020/11/ahmed.jpg)
لندن:لارڈ نذیراحمد نے استعفیٰ کیوں دیا اہم وجہ سامنے آگئی،اطلاعات کے مطابق آج صبح سے لارڈ نذیراحمد کے استعفے کی خبریں چل رہی تھیں تودوسری طرف یہ بھی اطلاعات ہیںکہ یہ استعفیٰ لارڈ نذر احمد پرلگائے گئے الزامات کے ثآبت ہونے کے بعد سامنے آیا ہے
برطانوی میڈیا کا کہنا ہے کہ اس حوالے سے جو حقائق سامنے آئے ہیں جس کے مطابق لارڈ نذیراحمد پرکافی حد تک الزامات ثآبت ہوگئے ہیں
اس رپورٹ میں کہا گیا ہے کہ لارڈ نذیراحمد اپنی ذمہ داریاںنبھانے سے قاصررہے اوراچھے اخلاق کا مظاہرہ نہ کرسکے
یہ بھی بتایا گیا ہےکہ لارڈ نذیراحمد نے جنسی طورپرہراساں کرنے کی کوشش کی ہے
ان الزامات میں خاتون کی طرف سے کہا گیا ہے کہ لارڈ نذیراحمد نے جنسی ہراسگی کی
لیکن ایسا نہیں ہے یہ تو ٹھیک ہے کہ لارڈ نذیراحمد کا رویہ ٹھیک نہں تھا جوکہ اس کے لائق تھا
کمیٹی کی طرف سے کہا گیا ہے کہ لارڈ احمد کی طرف سے شکایت کنندہ کو جنسی زیادتی کا نشانہ بنانا ، میٹروپولیٹن پولیس کو ایک ایماندار شخص کے ذریعہ استحصال کرنے کے بارے میں شکایت کرنے میں اس کی مدد کرنے کے اپنے ارادوں کے بارے میں شکایت کنندہ سے جھوٹ بولنا ، شکایت کرنے والے کو جذباتی اور جنسی طور پر جاننے کے باوجود بھی اس کا استحصال کرنا۔
کنڈکٹ کمیٹی کی طرف سے کہا گیا ہے کہ لارڈنذیراحمد جملہ الزمات کے واقعی مرتکب ہوئے
کنڈکٹ کمیٹی ، جس کی زیر صدارت لارڈ مینس ہے اور اس میں چار بیرونی ممبر شامل ہیں ، نے ضابطہ اخلاق کی خلاف ورزیوں اور ایوان سے بے دخلی کی منظوری دونوں کے خلاف لارڈ احمد کی اپیل خارج کردی۔
تحقیقاتی کمیٹی کی رپورٹ میں کہا گیا ہے کہ خاتون کا یہ کہنا کہ لارڈ نذیراحمد نے بدتمیزی کی اس پرتوکچھ تسلیم کیا جاسکتا ہے لیکن یہ کہنا کہ جنسی ہراسگی کی یہ بات خاتون ثآبت نہ کرسکیں
ادھر یہ بات بھی کہی جارہی ہےکہ اس تحقیقاتی کمیشن نے یہ بھی قراردیا ہے کہ لارڈ نذیراحمد نے ایمانداری اورسچائی سے اپنے فرائض ادا نہیں کیے
رپورٹ کے مطابق برطانوی دارالامراء کے پہلے مسلمان رکن لارڈ نذیر احمد نے ہاؤس آف لارڈز سے ریٹائرمنٹ لے لی،
یاد رہے کہ رطانیہ کے دارالامراء یا ہاؤس آف لارڈز کے رکن لارڈ نذیر احمد پر الزام عائد کیا گیا ہے کہ انھوں نے ایسی خواتین سے جنسی تعلقات قائم کیے جو ان کے پاس مدد کے لیے آئی تھیں۔
یاد رہے کہ لارڈ نذیراحمد پرطاہرہ زمان نامی خاتون الزام عائد کیا تھا کہ انہوں نے ’ایک دوست کے ذریعے لارڈ نذیر احمد سے ایک معاملے میں مدد کے لیے رابطہ کیا، لیکن لارڈ نذیر نے اس کا ‘فائدہ اٹھایا’ اور ان کے ساتھ جنسی تعلقات قائم کیے۔
ان الزامات کے منظر عام پر آنے کے بعد دارالامراء کے ضابطہ اخلاق کے مؤثر ہونے کے بارے میں سوالات اٹھائے جا رہے ہیں۔
61 سالہ لارڈ احمد نامناسب طرز عمل اختیار کرنے کے الزامات سے انکار کرتے ہیں۔
43 سالہ طاہرہ زمان کا کہنا ہے کہ انھوں نے ایک مشترکہ دوست کے ذریعے فروری 2017 میں لارڈ نذیر سے اس امید پر رابطہ کیا تھا کہ وہ پولیس کو کہہ کر ایک ایسے مسلمان پیر کے خلاف تفتیش میں مدد کریں گے جو ان کے بقول خواتین کے لیے خطرناک ہو سکتے تھے۔
طاہرہ زمان کا اس وقت کہنا تھا کہ لارڈ نذیر احمد نے انھیں بتایا کہ انھوں (لارڈ نذیر) نے لندن کی میٹروپولیٹن پولیس کی سربراہ کریسڈا ڈِک کو مدد کے لیے خط لکھا ہے۔ خاتون کے بقول اس کے بعد لارڈ نذیر احمد انھیں ’بار بار ڈِنر کے لیے ملنے‘ کا کہتے رہے۔
طاہرہ زمان کے مطابق وہ آخر کار کھانے کے لیے ملنے پر رضامند ہو گئیں اور دعوت سے چند ہفتے پہلے انھوں نے ’لارڈ نذیر سے پیر والے معاملے کے حوالے سے رابطہ کیا تو لارڈ نذیر نے انھیں مشرقی لندن میں واقع اپنی رہائش گاہ پر بلایا‘۔
طاہرہ زمان کے مطابق لارڈ نذیر نے ان سے کہا کہ وہ ایک خوبصورت خاتون ہیں۔اس کے بعد دونوں نے کئی مرتبہ ہم بستری کی۔
طاہرہ زمان تسلیم کرتی ہیں کہ دونوں کے تعلقات میں رضامندی شامل تھی لیکن ان کا کہنا تھا کہ ’میں مدد کی طلبگار تھی اور انھوں نے میرا فائدہ اٹھایا۔ انھوں نے اپنی طاقت کا غلط استعمال کیا۔‘
خاتون کے بقول یہ تعلقات دو ماہ بعد اس وقت ختم ہو گئے جب لارڈ نذیر نے انھیں بتایا کہ وہ اپنی اہلیہ سے علیحدہ نہیں ہوں گے۔
’میں واقعی سمجھ بیٹھی تھی کہ انھیں مجھ سے محبت ہو گئی ہے۔ میں اتنی بے وقوف نکلی ۔۔۔ اور میں نے یقین کر لیا کہ وہ میری مدد کریں گے۔‘
طاہرہ زمان کا مزید کہنا تھا کہ انھیں لگتا ہے کہ لارڈ نذیر نے ان کا فائدہ اٹھایا کیونکہ اُس وقت وہ ڈپریشن اور ذہنی دباؤ میں مبتلا تھیں۔
ایک دوسری خاتون، جو اپنی شناخت ظاہر نہیں کرنا چاہتیں، ان کا کہنا تھا کہ انھوں نے بھی لارڈ نذیر سے مدد کے لیے رابطہ کیا تھا۔ خاتون کا دعویٰ ہے کہ انھیں بھی ’لارڈ نذیر نے اپنی لندن والی رہائشگاہ پر رات گزارنے کی تجویز دی‘۔ خاتون کا کہنا تھا کہ انھوں نے اس پیشکش کا مطلب یہی سمجھا کہ لارڈ نذیر ان کے ساتھ ہم بستری چاہتے ہیں، اس لیے انھوں نے ملنے سے انکار کر دیا۔
طاہرہ زمان نے گذشتہ سال جنوری میں لارڈ نذیر احمد کے رویے کی شکایت دارالامراء کی کمشنر فور سٹینڈرڈز لُوسی سکاٹ مونکریف سے کی تھی۔
انھوں نے کمشنر کو بتایا کہ ‘لارڈ نذیر نے میرے اعتبار کو استعمال کرتے ہوئے مجھ سے متعدد مرتبہ ہم بستری کی۔ میں محسوس کرتی ہوں کہ لارڈ نذیر نے مجھے میری کمزوری کی وجہ سے شکار بنایا۔’
طاہرہ زمان کی شکایت کا دو بار جائزہ لینے کے بعد کشمنر نے کہا کہ وہ اس معاملے کی تفتیش نہیں کر سکتیں۔
اپنے جواب کے آخر میں لُوسی سکاٹ مونکریف نے لکھا کہ ’اس معاملے میں ہاؤس آف لارڈز کے ارکان کے قوائد و ضوابط سے رو گردانی نہیں ہوئی کیونکہ جس وقت لارڈ نذیر احمد نے خاتون کی مدد کرنے اور پولیس کو خط لکھنے پر رضامندی ظاہر کی تھی، اس وقت یہ کام لارڈ نذیر کی پارلیمانی ذمہ داریوں کا حصہ نہیں تھا۔‘
کمشنر نے لکھا کہ ’آپ نے اپنی ای میل میں جس رویے کے بارے میں بات کی ہے وہ (کسی لارڈ کے) ذاتی مرتبے سے روگردانی تو ہو سکتی ہے، تاہم اخلاقی قوائد و ضوابط کا اطلاق صرف ارکان کے پارلیمانی کام پر ہوتا ہے، اور آپ کی ای میل سے لگتا ہے (لارڈ نذیر) سے آپ کے ابتدائی رابطے کا تعلق ان کے پارلیمانی کام سے نہیں تھا۔’
کمیشن نے اس وقت بھی کہا تھا کہ ‘اگر کوئی آپ کے پاس مدد کے لیے آتا ہے، خاص طور پر اگر وہ کمزور ہے اور آپ اس کے ساتھ جنسی تعلق قائم کرتے ہیں تو یہ بہت شرمناک ہے’۔
انہوں نے مزید کہا کہ ‘کمشنر، جو کہ ایک تجربہ کار وکیل ہیں، ان کو یہ بات واضح نہیں ہے تو پھر میرے خیال میں قوانین کو مزید واضح بنانے کی ضرورت ہے۔ خاص طور پر ضابطۂ اخلاق کے بارے میں گائیڈ کو زیادہ واضح کرنے کی ضرورت ہے’۔
انہوں نے مزید کہا ‘وہ لارڈ احمد کے پاس اس لیے گئیں کیونکہ وہ یہ یقین رکھتی تھیں کہ وہ ایک ایسے مقام پر ہیں جس کی وجہ سے وہ ان کے کام کے لیے اپنا اثر و رسوخ استعمال کر سکتے ہیں۔ مجھے یہ بالکل واضح نظر آ رہا ہے کہ وہ جو بھی کر رہے تھے وہ سب دارالامراء کے رکن کے طور پر کر رہے تھے۔‘
لارڈ کارلائل نے کہا کہ ’لارڈ احمد اور طاہرہ زمان کے درمیان جنسی تعلق ضابطہ اخلاق کی دو شقوں کی خلاف ورزی ہو سکتی ہے۔‘
ایک جو ‘مفادات کے تصادم’ کے حوالے سے ہے اور دوسرا جو یہ کہتا ہے کہ دارالامراء کے اراکین کے لیے لازم ہے کہ وہ اپنے ’ذاتی وقار‘ کا خیال رکھیں۔
لوسی مونکریف نے اس وقت کہا تھا کہ ‘اگرچہ شکایت قابل اعتماد اور ٹھوس ہے مگر شکایت میں اس بارے میں نا مکمل شواہد فراہم کیے گئے کہ ان کے ساتھ رابطہ ان کی پارلیمانی ذمہ داریوں کے حوالے سے کیا گیا تھا۔ اس کے علاوہ کوئی اور نتیجہ نکالنا، جیسا کہ لارڈ کارلائل نے نکالا ہے، وہ ضابطۂ اخلاق کی غلط تشریح کے مترداف ہو گا’۔
دوسر طرف اس وقت لارڈ نذیر کا کہنا تھا کہ ‘میں ان تمام الزامات سے مکمل طور پر انکار کرتا ہوں کہ میں نے اپنی طاقت کو عام عوام کے ساتھ نامناسب تعلقات قائم کرنے کے لیے استعمال کیا یا میں نے خواتین کی موجودگی میں اپنی ذاتی یا پیشہ ورانہ حیثیت میں نامناسب طرزِ عمل اختیار کیا۔‘
لارڈ نذیر کا مزید کہنا تھا کہ ‘برطانوی دارالامرا کی سٹینڈرڈز کمشنر لوسی سکاٹ مونکریف نے شکایت کا جائزہ لیا اور فیصلہ کیا کہ یہ شکایت میری پارلیمانی حیثیت کے حوالے سے (کسی) نامناسب رویے میں نہیں آتی۔ انہوں نے اس پر مزید کارروائی نہ کرنے کا فیصلہ کیا’۔
انہوں نے مزید کہا کہ ‘ایک پارلیمنٹیرین کے طور پر میں اپنی ذمہ داریوں کو بہت سنجیدگی سے لیتا ہوں اور میں ایسا کوئی کام نہیں کرتا جس سے میری ذاتی اور پیشہ ورانہ ساکھ متاثر ہوتی ہو۔‘
آج صبح یہ اطلاعات تھیں جن کے مطابق لارڈ نذیر احمد کی اہلیہ کئی سالوں سے بیمار ہیں اور لارڈ نذیر احمد نے اس وجہ سے دوران دارالامراء میں حاضری سے قاصر رہے اب لارڈ نذیر احمد نے اہلیہ کے ہمراہ زیادہ وقت گزارنے کیلئے ہاؤس آف لارڈز سے ریٹائرمنٹ لینے کا فیصلہ کیا اور آج ہاؤس آف لارڈز نے انکی ریٹائرمنٹ کی منظوری دے دی ہے۔
اس سال فروری سے لے کر اب تک ہاؤس آف لارڈز کے بیس ممبران ریٹائرمنٹ لے چکے ہیں۔ ریٹائرمنٹ کے بعد بھی لارڈ کا ٹائٹل لارڈ نذیر احمد کے پاس رہے گا اور دارالامراء کا پاس بھی ان کے پاس ہو گا تاہم وہ قانون سازی کے عمل میں حصہ نہیں لے سکیں گے۔
لارڈ نذیر احمد 1998 میں لیبر پارٹی کی طرف سے لارڈ منتخب کئے گئے اور وہ دارالامراء میں گزارے اپنے وقت کے دوران پاکستان اور کشمیر کیلئے بھرپور آواز اٹھاتے رہے۔ 2009 میں پاکستان میں سیلاب کی تباہ کاریوں میں بھی مختلف علاقوں میں مختلف وفود کے ہمراہ دور کرکے مثاترین کے بحالی میں بھی کردار ادا کرچکا ہے