اداکارہ رباب ہاشم رشتہ ازدواج میں منسلک ہو گئیں

پاکستان ڈرامہ انڈسٹری کی معروف اداکارہ رباب ہاشم رشتۂ ازدواج میں منسلک ہوگئیں-

باغی ٹی وی : خوبرو اداکارہ رباب ہاشم گزشتہ روز شعیب شمشاد کے ساتھ رشتۂ ازدواج میں منسلک ہوگئیں شادی کی تصویریں اُنہوں نے سوشل میڈیا ویب سائٹ انسٹاگرام پر شیئر کی ہیں۔

رباب ہاشم نے انسٹاگرام پر اپنے نکاح کا ایک فوٹو کولاج شیئر کیا ہے جس میں اداکارہ اور اُن کے شوہر نکاح کے کاغذات پر دستخط کرتے دکھائی دے رہے ہیں۔

فوٹو کولاج پوسٹ کرتے ہوئے رباب ہاشم نے کیپشن میں دل والے ایموجی کے ساتھ ’نکاح‘ لکھا۔

اداکارہ نے شادی کے موقع پر خوبصورت عروسی لباس زیب تن کیا جبکہ اُن کے شوہر نے بھی اداکارہ کے لباس کے رنگ سے ملتی جلتی شیروانی پہنی۔

رباب ہاشم کی جانب سے شئیر کی جانے والی تصاویر میں اداکارہ کافی خوش اور دلکش دکھائی دے رہی ہیں مداحوں اور معروف شخصیات کی جانب سے مبارکباد کا سلسلہ جاری ہے اور دعاؤں نیک تمناؤں اور کا اظہار کیا جا رہا ہے-

خیال رہے کہ گزشتہ دنوں رباب ہاشم کی اچانک شادی کی تقریبات نے مداحوں کو خوشگوار حیرت میں مبتلا کر دیا تھا۔ رباب ہاشم نے پاکستان ڈرامہ انڈسٹری کے کئی ڈراموں میں اپنی اداکاری کے جوہر دکھائے ہیں انہوں نے اپنے فنی کیریئر کا آغاز دس برس کی عمر میں جیو کے بچوں کے پروگرام سے کیا تھا۔

اداکارہ رباب ہاشم کی شادی کی تقریبات کا آغاز ہو گیا