گزشتہ روز بالی وڈ اداکارہ اور اداکار اکشے کمار کی اہلیہ ٹوئنکل کھنہ کا رواں برس فادرز ڈے پر لکھا گیا ایک آرٹیکل وائرل ہو رہا ہے جس میں اداکارہ نے حیران کن انکشافات کئے-
باغی ٹی وی :میڈیا رپورٹس کے مطابق ٹوئنکل کھنہ نے رواں برس فادرز ڈے کے موقع پر اپنے والد کو خراج تحسین پیش کیے گئے ایک آرٹیکل میں حیران کن انکشافات کیے –
اداکارہ نے اپنی سالگرہ اور والد کے یوم پیدائش کے موقع پر انسٹاگرام پر اپنے بچپن کی والد کے ساتھ لی گئی تصویر شئیر کی-
ٹوئنکل کھنہ نے لکھا کہ میرے بابا مجھے ٹینا بابا کہتے تھے لیکن مجھے اس وقت احساس نہیں تھا کہ میری پرورش کس طرح اردگرد موجود دوسری لڑکیوں سے مختلف ہوئی۔
ٹوئنکل کھنہ نے انکشاف کیا کہ جب انھوں نے ڈیٹنگ کرنا شروع کی تو وہ اپنے والد سے اپنے خیالات اور اپنی باتیں شیئر کیا کرتی تھیں۔
اکشے کمار کی اہلیہ نے لکھا کہ بابا نے تب مجھے کہا ایک وقت میں کبھی ایک بوائے فرینڈ نہ رکھنا بلکہ ایک وقت میں 4 بوائے فرینڈز رکھنا، اس طرح آپ کا دل کبھی نہیں ٹوٹے گا۔
ساتھ ہی ٹوئنکل کھنہ نے اپنے آرٹیکل میں والد کے ساتھ مضبوط دوستانہ تعلقات کی وضاحت کرتے ہوئے مزید لکھا کہ ان کے والد راجیش کھنہ ہی نے انہیں پہلی بار شراب پینے کی پیشکش کی۔
واضح رہے کہ گزشتہ روز بالی وڈ اداکارہ ٹوئنکل کھنہ کی 47 ویں سالگرہ منائی جبکہ ان کے والد راجیش کھنہ کا یوم پیدائش بھی منایا گیا۔
اس سے قبل اداکارہ ٹوئنکل کھنہ نے شادی کے بعد اپنا نام نہ بدلنے پر بھی کھل کر اظہار کرچکی ہیں اس حوالے سے ٹوئنکل نے انٹرویو میں بتایا تھا کہ میں نے اپنا آخری نام کھنہ سے کمار کیوں نہیں کیا ؟ اس کا ہمیشہ ایک ہی جواب ہے کہ میں شادی شدہ ہوں برانڈ نہیں میں چھوٹی کمپنی نہیں ہوں کہ جسے بڑی فرم نے لے لیا ہو اور نام تبدیل کرنا پڑے۔
خیال رہے کہ 90 کی دہائی کی نامور اداکارہ ٹوئنکل کھنہ نے اکشے کمار سے شادی کے بعد فلم نگری کو خیر باد کہہ دیا تھا اور اب وہ پروڈیوسر کے ساتھ ساتھ مصنفہ بھی ہیں ٹوئنکل کھنہ لیجنڈری اداکار جوڑی راجیش کھنہ اور ڈمپل کپاڈیا کی بیٹی ہیں اور وہ اکشے کمار کی اہلیہ ہیں اکشے کمار اور ٹوئنکل کھنہ کے 2 بچے ایک بیٹا اور ایک بیٹی ہیں۔
