سوشل میڈیا اسٹار احمد شاہ کی سالگرہ پر بھارتی سنگھ کا ویڈٰیو پیغام

بھارت کی معروف کامیڈی اسٹار بھارتی سنگھ نے پاکستان کے ننھے سوشل میڈیا اسٹار احمد شاہ کی سالگرہ کے موقع پر ان کے لیے ایک خوبصورت ویڈیو پیغام دیا ہے۔

باغی ٹی وی : بھارتی سنگھ کا احمد شاہ کے لئے بھیجے گئے ویڈیو پیغام کی ویڈیو ننھے سوشل میڈیا اسٹار نے اپنے انسٹاگرام اکاؤنٹ پر شئیر کی اور بھارتی سنگھ کا شکریہ ادا کیا۔

بھارتی سنگھ نے ویڈیو میں سب سے پہلے احمد شاہ کو سالگرہ کی مبارکباد دی اور پھر احمد شاہ کی ویڈیو کی تعریف کی جو انہوں نے بھارتی سنگھ کو بنا کر بھیجی تھی۔

بھارتی سنگھ نے مزید کہا احمد میں آپ سے ملنے کے لیے بہت پُرجوش ہوں انشااللہ ہم بہت جلد ملیں گے۔ میں آپ سے مل کر آپ کو بہت زیادہ پیار کرنا چاہتی ہوں۔

بھارتی سنگھ نے مزید کہا احمد آج آپ کی سالگرہ ہے آپ کی عمر بہت لمبی ہو آپ ہمیشہ صحت مند رہواور سب کا پیار پاتے رہو۔

واضح رہے کہ ننھا سوشل میڈیا اسٹار احمد شاہ کو نہ صرف پاکستان بلکہ بھارت میں بھی نے حد پسند کیا جاتا ہے۔ بھارتی سنگھ اور گلوکار یو یو ہنی سنگھ تو اکثر احمد شاہ سے اپنی محبت کا اظہار کرتے رہتے ہیں جب کہ بھارتی کرکٹر ویرات کوہلی کی بھی ایک ویڈیو منظرعام پر آئی تھی جس میں وہ احمد شاہ کی وائرل ہونے والی ویڈیو ’اوئے پیچھے تو دیکھو‘ پر ایکٹ کرتے ہوئے نظر آرہے تھے-