پاکستان شوبز انڈسٹری کی نامور اداکارہ سونیا حسین نے نئے سال کے ہر پل کو خوف کے بغیر گزارنے کا ارادہ کیا ہے۔
باغی ٹی وی :سونیا حسین نے سماجی رابطے کی ویب سائٹ انسٹاگرام پر اپنی چند تصاویر شیئر کیں تصاویر میں اداکارہ کو امریکی شہر نیویارک کی سڑکوں پر کتے کے ساتھ خوبصورت اور انتہائی خوش انداز میں دیکھا جا سکتا ہے۔
اداکارہ نے کتے کے ساتھ مسکراتی ہوئی تصاویر شیئر کرتے ہوئے مداحوں کو بتایا کہ انہوں نے سال 2021 کے ہر لمحے سے خوف کے بغیر لطف اندوز ہونے کا عزم کر لیا ہے۔
انہوں نے پوسٹ میں لکھا کہ سال 2020 میں کورونا کی وبا کے باعث بہت سارے لمحات سے خوش نہیں ہوا جا سکا تاہم وہ اس سال کسی بھی خوف کے بغیر آنے والے ہر پل کو خوشی کے ساتھ گزارنے کا ارادہ رکھتی ہیں۔
اداکارہ نے مداحوں کو بتایا کہ وہ اس سال زیادہ تر روحانیت کے کام کرکے اپنا تعلق روحانیت سے بھی جوڑیں گی۔
سونیا حسین نے مزید لکھا کہ وہ روحانیت سے مضبوط تعلق جوڑ کر خود کو طاقتور کرنا چاہتی ہیں تاکہ جذباتیت سے وہ کمزور نہ ہو پائیں۔
آخر میں انہوں نے محبت کرنے اور محبت کو پھیلانے کا پیغام بھی دیا۔
اداکارہ کی جانب سے روحانیت سے متعلق پوسٹ سے ظاہر ہوتا ہے کہ شاید وہ بھی کچھ عرصے کے لیے شوبز سے دور ہوجائیں تاہم اس حوالے سے اداکارہ نے کوئی واضح اشارہ نہیں دیا-
منظر صہبائی اور ثمینہ احمد کی2021 کی پہلی تصویر انٹر نیٹ پر وائرل
سعودی عرب بدل گیا، سال نو کا جشن،مردو خواتین کے رقص کی ویڈیو وائرل
