وکاس کوہلی کی سوشل میڈیا پر وائرل ویرات اور انوشکا کی بیٹی کی تصویر پر وضاحت

بھارتی کرکٹ ٹیم کے کپتان ویرات کوہلی کی جانب سے ننھی پری کی آمد کے اعلان کے بعد سے جوڑی کو مبارکبادوں کا سلسلہ جاری ہے۔

باغی ٹی وی : گزشتہ روز ویرات کوہلی کے بھائی وکاس کوہلی نے انسٹاگرام پر کمبل میں لپٹی بچی کے پیروں کی تصویر شیئر ننھی پری کا استقبال کیا۔

شیئر کی گئی تصویر میں بچی کو خوش آمدید کہا گیا اور ساتھ ہی بے حد خوشی، فرشتہ گھر میں کا عنوان درج کیا گیا۔

ویرات کوہلی کے بھائی کی جانب سے تصویر شیئر کیے جانے کے بعد یہ انٹرنیٹ پروائرل ہوگئی اور صارفین نے اسے انوشکا اور ویرات کی بیٹی تصویر سمجھ لیا۔

انوشکا ویرات کے مداح اس تصویر میں موجود بچی کو ویرات انوشکا کے بچی سمجھ کر مبارکباد دینے لگے۔

تاہم دو گھنٹے قبل وکاس کوہلی کی جانب سے انسٹاگرام پوسٹ کے ذریعے وضاحت کی گئی کہ گزشتہ روز شیئر کی گئی تصویر انوشکا اور ویرات کی بیٹی کی اصل تصویر کے بجائے عام بچی کے پیروں کی تصویر ہے ۔

خیال رہے کہ گزشتہ روز ویرات کوہلی نے فوٹو شیئرنگ ایپ انسٹاگرام کے ذریعے ہی بیٹی کی پیدائش کی اطلاع دی تھی۔

واضح رہے کہ اس سے قبل اداکارہ انوشکا شرما کا ووگ میگزین سے گفتگو کے دوران کہنا تھا کہ میں اور ویرات کوہلی اپنے بچے کو بدتمیز نہیں بنانا چاہتے اس لیے بچے کو سوشل میڈیا سے دور رکھیں گے، ہم نے اس بارے میں بہت سوچا اور ہم یقینی طور پر اپنے بچے کو عوام کی نگاہوں سے بڑھتا نہیں دیکھنا چاہتے لہٰذا ہم اپنے بچے کوسوشل میڈیا میں شامل نہیں ہونے دیں گے۔