مقدمات کو جلد پایا تکمیل تک پہنچانے کے لیے اسلام آباد پولیس کا اہم قدم
باغی ٹی وی : آئی جی اسلام آباد قاضی جمیل الرحمان کے احکامات کی روشنی میں مقدمات کو جلد پایا تکمیل تک پہنچانے کے لیے انوسٹی گیشن ونگ کی تنظیم نو کردی گئی
انوسٹی گیشن ونگ کا انچارج ایس ایس پی انوسٹی گیشن تعینات کیا گیا ہے.ایس ایس پی انوسٹی گیشن کے ماتحت ایس پی انوسٹی گیشن ایسٹ اور ویسٹ ہوں گے
کسی بھی جائے واردات پر انوسٹی گیشن ٹیم کے ساتھ فارنزک سائنس کی ٹیم بھی کام کرے گی۔انوسٹی گیشن ونگ میں اشتہاری سکواڈز اور سپیشل انوسٹی گیشن سکواڈز بھی تشکیل دئیے گئے ہیں
آئی جی اسلام آباد نے کہا ہے کہ انوسٹی گیشن ونگ کی تنظیم نو کا مقصد انوسٹی گیشن کے معیار کو بین الاقوامی سطح کا بنانا ہے،
انوسٹیگیشن ونگ بنانے سے شہریوں کے مسائل اور مقدمات کو جلد پایا تکمیل تک پہنچایا جائے گا، اس ونگ سے میرٹ پر تفتیش عمل میں لاکر ملزمان کو عدالتوں سے سزا دلوائی جائے گی،
اس ونگ کا مقصد موقع واردات سے فوری شواہد اکٹھےکرکے وقوعہ کی شفاف تحقیقات کرنا ہے۔ ہمارا اولین مقصد شہریوں کو فوری اور سستے انصاف کی فراہمی کو یقینی بنانا ہے،اس سلسلہ میں زیرو ٹالرنس کی پالیسی اپنائی جائے گی،
