جلسوں کی وجہ سےکرونا تیزی سےپھیلنےلگا:مولانا فضل الرحمن کےقریبی ساتھی کی نمازجنازہ اداکردی گئی

اسلام آباد:جلسوں کی وجہ سے کرونا تیزی سے پھیلنے لگا:مولانا فضل الرحمن کے قریبی ساتھی کورونا کی وجہ سے وفات پا گئے،اطلاعات کے مطابق جمعیت علمائے اسلام ف کے سربراہ مولانا فضل الرحمان کے قریبی ساتھی الحاج عالم زین خان کورونا کے باعث وفات پا گئے ہیں۔

ذرائع کے مطابق سابق نگران وفاقی وزیر الحاج عالم زین خان کورونا میں مبتلا ہونے کے بعد انتقال کر گئے ہیں۔سابق نگران وفاقی وزیر کے بیٹے گل نواز خان نے اپنے والد کے انتقال کی تصدیق کی ہے۔

ادھر تھاہ کوٹ سے آنے والی اطلاعات میں بتایا گیا ہے کہ سابق نگران وفاقی وزیرالحاج عالم زین خان کی نمازجنازہ اداکردی گئی ہے۔انہوں نے کہا کہ والد محترم 3 ہفتوں سے عالمی وبا کورونا کے باعث علیل تھے۔عالم زین خان کا تعلق جمعیت علائے اسلام سے تھا اور ان کا شمار مولانا فضل الرحمان کے قریبی ساتھیوں میں کیا جاتا تھا۔

سیاسی رہنماؤں کی جانب سے الحاج عالم زین خان کے انتقال پر اظہار افسوس کیا جا رہا ہے۔

واضح رہے کہ پاکستان میں کورونا کے باعث کئی سیاسی رہنمان زندگی ہار چکے ہیں۔

دوسری طرف یہ بھی اطلاعات ہیں کہ مولانا کی ضد کی وجہ سے کرونا وائرس سے دوری اورمحفوظ رہنے کے لیے احتیاط کا دامن ہاتھ سے چھوڑدیا گیا تھا جس کی وجہ سے جلسوں میں شرکت کرنےوالے افراد میں کرونا پھیلنے کی اطلاعات تھیں ،

یہ بھی بتایا جارہا ہے کہ جمعیت اس قسم کے واقعات کو چھپاکراپنے جلسے کامیاب کرنے کے چکروں میں بڑی بڑی شخصیات کو کرونا کا شکاربنانے میں‌سہولت کاری کاکردار ادا کرچکی ہے جس کی وجہ سے اب یہ لہر تیزی سے پھیلنا شروع ہوگئی ہے