منشيات فروش مگرمچھوں کی گرفتاری کیلئے انٹیلیجنس بیسڈ آپریشنز کئے جائیں،سی سی پی او
![](https://baaghitv.com/wp-content/uploads/2021/02/images-2-3.jpeg)
لاہور پولیس کا منشیات فروشوں کےخلاف بڑے پیمانے پر کریک ڈاؤن جاری ہے۔
سی سی پی او لاہور غلام محمود ڈوگر کی ڈویژنل افسران کو کریک ڈاؤن میں تیزی لانے کی ہدایت دی۔
سی سی پی او لاہور کا کہنا ہے کہ بڑے مگرمچھوں کی گرفتاری کیلئے انٹیلیجنس بیسڈ آپریشنز کئے جائیں۔ منشیات فروشوں کےخلاف آپریشن کےلئے آپریشن و انوسٹی گیشن مشترکہ کارروائیاں کریں۔نوجوان نسل کو نشہ کی لت سے محفوظ رکھا جائے۔ جوئے کے اڈے جرائم پیشہ افراد کی نرسریاں ہیں، قلع قمع کیا جائے۔
انہوں نے گٹکا فروخت کرنےوالوں کو بھی آڑے ہاتھوں لینے کی ہدایت بھی دی۔
رواں سال میں منشیات فروشوں کےخلاف 1514 مقدمات درج ہویے ہیں۔منشیات فروشی کے مکروہ دھندے میں ملوث 1530 ملزمان کو گرفتار کر لیا ہے ملزمان کے قبضہ سے 625 کلوگرام چرس برآمدکی گئی۔ کریک ڈاؤن کے دوران منشیات فروشوں سے 11 کلو 960 گرام ہیروئن برآمد ہوئی۔06 کلو افیون، 588 گرام آئس اور شراب کی 18 ہزار 356 بوتلیں برآمد ہوئیں۔ لاہور پولیس نے قماربازی پر 02 سو سے زائد مقدمات درج کئے، قمار بازی کے جرم میں 07 سے زائد ملزمان کو گرفتار کیا گیا، لاہور پولیس کا کینال روڈ پر نشئیوں کے خلاف بھی ایکشن جاری، سی سی پی او لاہور کی منشیات فروشوں اور قمار بازوں کے خلاف کارروائیاں تیز کرنے کی ہدایت دی گئی۔