واٹس ایپ اورانسٹاگرام کی سروس میں بندش کے حوالے سے فیس بک کا وضاحتی بیان سامنے آ گیا

دو روز قبل 10 لاکھ سے زائد سوشل میڈیا صارفین کو واٹس ایپ اور انسٹاگرام کی بندش کا سامنا کرنا پڑا تھا جو کہ بعد میں مسئلہ حل کر دیا گیا تھا تاہم ایسا کیوں ہوا اس حوالے سے فیس بک نے اب وضاحتی بیان جاری کر دیا ہے۔

باغی ٹی وی : اس حوالے سے فیس بک کے ترجمان کا کہنا ہے کہ کمپنی اس تکنیکی مسئلے کو حل کر چکی ہے جس کے باعث لاکھوں واٹس ایپ اور انسٹاگرام صارفین کو مشکلات کا سامنا کرنا پڑا۔

زیر غور تکنیکی مسئلے کے باعث کمپنی کی آن لائن پیغامات کی خدمات واٹس ایپ اور میسنجر متاثر ہوئی تھی جس کے باعث #whatsappoutage ٹوئٹر پر ٹرینڈ کرتا رہا۔

ڈاؤن ڈی ٹیکٹر ڈاٹ کام کی ایک رپورٹ کے مطابق تقریباً 20 ہزار واٹس ایپ اور 10 لاکھ انسٹاگرام صارفین کی جانب سے سوشل میڈیا سائٹس میں مسائل کی پوسٹ کی گئیں۔

واضح رہے کہ دو روز قبل واٹس ایپ اور انسٹاگرام صارفین سمیت فیس بک کے مسینجر صارفین کی جانب سے پیغامات بھیجنے اور وصول کرنے میں مشکلات کا سامنا کرنے کی شکایات موصول ہوئی تھی اس حوالے سے واٹس ایپ کی جانب سے ٹوئٹر پر ٹوئٹ کرکے سروس بحالی کا بتایا گیا اور کہا کہ سروس کی معطلی 45 منٹ تک برداشت کرنے کا شکریہ لیکن اب سروس بحال کردی گئی ہے۔