مسلمانوں کےقاتل:انسانوں کےقاتل’مودی واپس جاؤ’ مودی کےدورہ بنگلہ دیش کےخلاف احتجاج شدت اختیارکرگیا

ڈھاکہ :مسلمانوں کےقاتل:انسانوں کےقاتل:’مودی واپس جاؤ’،بنگلہ دیش میں بھارتی وزیراعظم کےدورے کےخلاف احتجاج شدت اختیارکرگیا ،اطلاعات کے مطابق بنگلہ دیش کے دارالحکومت ڈھاکا میں 50ویں یوم آزادی کے موقع بھارتی وزیر اعظم نریندر مودی کے متوقع دورے کے خلاف شہریوں اور طلبہ کا احتجاج شدت اختیارکرگیا

بنگلہ یش کے سرکاری میڈیا کے مطابق بھارتی وزیراعظم نریندر مودی شیڈول کے تحت 26 مارچ کو ڈھاکا پہنچیں گے اور اسی دن بنگلہ دیش میں یوم آزادی منایا جا رہا ہے۔

یہ احتجاج اس قدر شدت اختیارکرگیا ہے کہ مسلسل چھٹے روز بھی ملک کے کونے کونے میں‌ اس وقت احتجاج ہورہا ہے، جمعہ کے دن سے شروع اس احتجاج میں شدت آرہی ہے ، اس سے پہلے جمعہ کے دن بھی سیکڑوں افراد نے مرکزی بیت المکرم مسجد کے باہر مظاہرہ کیا اور اس موقع پر سیکیورٹی کے سخت اقدامات کیے گئے۔

مظاہرین بغیر بینرز اور پلے کارڈز کے موجود تھے اور نہ ہی کسی سیاسی جماعت سے وابستگی کا اظہار کیا گیا۔احتجاج کے دوران بھارت مخالف، مودی مخالف نعرے لگائے جارہے تھے اور مطالبہ کیا جارہا تھا کہ مودی ڈھاکا میں نہ آئے۔

جگہ جگہ یہ بینرزلگے تھے جن پرلکھا تھا کہ "مسلمانوں کےقاتل:انسانوں کےقاتل:’مودی واپس جاؤ’

دوسری جانب ڈھاکا یونیورسٹی کے سیکڑوں طلبہ نے سڑک پر مارچ کیا اور مودی کے خلاف ‘گجرات کا قصائی’ کے نعرے لگائے یہ سلسلہ بھی شدت اختیار کرنے لگا ہے

طلبہ نے مودی مخالف پلے کارڈز اٹھا رکھے تھے جن میں ‘مودی واپس جاؤ، واپس بھارت جاؤ’ اور ‘واپس جاؤ قاتل مودی’ کے نعرے درج تھے۔

بنگلہ دیش میں مظاہرین نے وزیر اعظم شیخ حسینہ واجد کو بھی تنقید کا نشانہ بنایا اور کہا کہ دونوں ممالک کے درمیان کئی حل طلب تنازعات ہیں۔

مظاہرین کا کہنا تھا کہ مودی اور ان کی ہندو قوم پرست جماعت بھارت میں مسلمانوں پر ظلم کر رہی ہے اور اسی طرح سرحد پر بھارتی فورسز کی جانب سے بنگلہ دیش کے شہریوں کو بھی مارا جاتا ہے، جس کے بارے میں بھارت کا مؤقف ہے کہ سرحد میں اسمگلنگ میں ملوث افراد کو نشانہ بنایا جاتا ہے۔