کوئٹہ میں دفعہ 144 نافذ کردی گئی

کوئٹہ:کوئٹہ میں دفعہ 144 نافذ کردی گئی،اطلاعات کے مطابق ملک کے دیگرحصوں کی طرف بلوچستان بھی اب کرونا سے بہت زیادہ متاثر ہونے لگا ہے اورزیادہ تربڑے شہراس وبا کے حملوں کا زیادہ شکارہورہے ہیں

ذرائع کے مطابق کورونا وائرس کے پھیلاؤ کے پیش نظر محکمہ داخلہ بلوچستان نے کوئٹہ میں دفعہ 144 نافذ کردی۔اس حوالے سے صوبے میں محکمہ داخلہ بلوچستان کی جانب سے جاری نوٹی فکیشن کے مطابق ضلع کوئٹہ میں دفعہ 144 کا نفاذکردیا گیا ہے۔

دفعہ 144 کے تحت شہر میں اجتماعات، دھرنوں اور ریلیوں پر پابندی عائد کردی گئی ہے اور پانچ یا پانچ سے زائد افراد کے اکٹھا ہونے پر پابندی ہوگی۔

نوٹی فکیشن کے مطابق کوئٹہ میں دفعہ 144 پندرہ یوم کے لیے نافذالعمل ہوگی،دفعہ 144 کا نفاذ کورونا وائرس کے بڑھتے ہوئے کیسز کے باعث کیا گیا ہے۔