![](https://baaghitv.com/wp-content/uploads/2021/03/594623_70756749.png)
اسلام آباد:سعودی وزیرخارجہ فیصل بن فرحان اورشاہ محمود قریشی کے درمیان ٹیلی فونک گفتگو،اطلاعات کے مطابق پاکستان نے خلیج تعاون کونسل ممالک میں اختلافات کوحل کرنے کے سعودی کردار کو سراہا ہے۔
ترجمان دفتر خارجہ کے مطابق وزیرخارجہ شاہ محمودقریشی کاسعودی وزیرخارجہ سےٹیلیفونک رابطہ ہوا جس میں وزیرخارجہ نےپاکستان سعودی عرب کےبرادرانہ تعلقات کی توثیق کی۔
Good to speak to HH Foreign Minister @FaisalbinFarhan and connect on matters of mutual interest. Pakistan lauds the Kingdom’s #SaudiGreenInitiative and #MiddleEastGreenInitiative focussing on tackling climate change, a global issue of key priority for our PM @ImranKhanPTI and 🇵🇰.
— Shah Mahmood Qureshi (@SMQureshiPTI) March 28, 2021
شاہ محمودنےخلیج تعاون کونسل ممالک میں اختلافات کوحل کرنےکےسعودی کردارکوسراہا اور خطے میں خوشحالی کیلئے سعودی کوششوں کیلئےپاکستان کی حمایت پر زور دیا۔
وزیرخارجہ نے سعودی عرب کی سالمیت اور خودمختاری کیلئےپاکستان کی حمایت کااعادہ کیا جب کہ سعودی وزیرخارجہ نےسعودی عرب کیلئےپاکستان کی مستقل حمایت پرشکریہ اداکیا۔
قبل ازیں ترجمان دفتر خارجہ نے بیان میں کہا کہ افغانستان کےتنازع کاکوئی فوجی حل نہیں، دوحہ معاہدے نے پائیدار سیاسی حل کاایک تاریخی موقع فراہم کیا۔
ترجمان نے کہا کہ افغان جماعتوں کےدرمیان طےپانےوالےمعاہدےکوقبول کریں گے، امریکی فوج کی واپسی منظم اورذمہ دارہونی چاہیےتاکہ خلاپیدانہ ہو