اسلام آباد:حاملہ خواتین کو کورونا ویکسین لگائیں یا نہ:حکومت پاکستان نے ہدایات جاری کردیں ،اطلاعات کےمطابق حکومت پاکستان نے حاملہ خواتین کو کورونا ویکسین لگانے سے روک دیا ۔
تفصیلات کے مطابق حکومت کی جانب سے گائیڈ لائنز جاری کی گئی ہیں ، جن میں سائینو فارم ، کین سائینو بائیو، سائنو ویک اور اسپوتنک کورونا ویکسین کے حاملہ خواتین کو لگانے سے اجتناب کی ہدات کی گئی ہے ،
اس حوالے سے جاری تفصیلات میں بتایا گیا ہے کہ سائنوویک کے حاملہ خواتین پر محدود ٹیسٹ کیے گئے ،مذکورہ ویکسین حاملہ خواتین کو لگانے سے اجتناب کیا جائے ،
دوسری طرف یہ بھی کہا گیا ہے کہ سائینو فارم کے حاملہ خواتین پر تجربات ہی نہیں کیے گئے ، اس لیے نہیں معلوم کہ یہ کتنی محفوظ ہے کیوں کہ اس کا ڈیٹا ہی موجود نہیں ہے ۔اس لیے اس کے توفی الحال قریب بھی نہیں جانا چاہیے
یہ بھی بتایا جارہا ہےکہ کین سائنو بائیو کے حاملہ اور بچوں کو دودھ پلانے والی خواتین پر تجربات نہیں کیے گئے،
کین سائنو بائیو کے حاملہ اور بچوں کو دودھ پلانے والی خواتین سے متعلق سیفٹی کا ڈیٹا نہیں موجود ہے جب کہ اسپوتنک ویکیسن کے حاملہ خواتین پر بہت ہی محدود ٹیسٹ کیے گئے ہیں ، اس لیے یہ ویکیسن بھی نہ لگوائی جائے
