اگلے انتخابات میں الیکٹرونک ووٹنگ مشین استعمال ہوگی، حلیم عادل
سندھ اسمبلی میں اپوزیشن لیڈر حلیم عادل شیخ نے کہا ہے کہ کراچی میں گزشتہ روز بڑا عجیب وغریب ضمنی الیکشن ہوا۔ 2018 میں پیپلزپارٹی نے 7ہزار ووٹ حاصل کیے تھے اور اس بار کامیابی حاصل کرلی۔ معلوم نہیں کہ اس دوران پی پی پی نے ایسی کون سی دودھ کی نہریں بہا دیں۔انھوں نے کہا کہ اس کامیابی پر پیپلزپارٹی کے چیئرمین بلاول بھٹو کو ٹویٹ کرنا چاہیے تھا کہ شکریہ الیکشن کمیشن۔ حلیم عادل شیخ نے مزید کہا کہ الیکشن کمیشن کے معاملے پر بہت جلد پریس کانفرنس کریں گے اور 2023کے الیکشن میں الیکٹرونک ووٹنگ مشینیں لے کر آئیں گے.
