ماہرہ خا ن نے فرانس کے معروف برانڈ کو ان فالو کر دیا

پاکستان کی عالمی شہرت یافتہ صف اول کی اداکارہ ماہرہ خان نے نامور برانڈ لوریل کو ان فالو کر دیا ہے-

باغی ٹی وی : ماہرہ خان کو فرانس کے میک اپ کے نامور برانڈ لوریل کی برانڈ ایمبیسڈر ہونے کا اعزاز حاصل ہے اور وہ یہ اعزاز پانے والی پہلی پاکستانی اداکارہ ہیں۔

تاہم اب حیرت انگیز بات یہ ہے کہ ماہرہ خان نے سماجی رابطے کے مقبول ترین پلیٹ فارم انسٹاگرام پر لوریل کو ان فولو کردیا ہے۔

میڈیا رپورٹس میں دعویٰ کیا جارہا ہے کہ ماہرہ نے یہ قدم اسرائیل کے جنگی حملوں کے خلاف اور فلسطین سے اظہار یکجہتی کے طور پر اٹھایا ہے۔

دوسری جانب اداکارہ نے ٹوئٹر پر ری ٹوئٹ کرتے ہوئے فلسطین سے اظہار یکجہتی کے لیے کراچی پریس کلب میں ہونے والے احتجاج میں شرکت کے لیے مداحوں پر زور دیا۔

واضح رہے کہ اداکارہ اس سے قبل بھی پاکستان کی دیگر شوبز شخصیات کی طرح فلسطین سے اظہار یکجہتی کے لیے آواز بلند کرتی رہی ہیں –

اس سے قبل ماہرہ خان نے انسٹا پوسٹ میں کہا تھا کہ اگر ہم خاموش رہے تو پھر ہمارے ہاتھ بھی اس خون سے رنگین ہیں۔

فلسطین پراسرائیلی مظالم: اگر ہم خاموش رہےتو پھرہمارے ہاتھ بھی اس خون سے رنگین ہیں…