لاہور: پاکستان سپر لیگ 6 کے بقیہ میچز ملتوی:کیوں ہوئے:خبرسن کرکرکٹ شائقین غمگین ہوگئے ،اطلاعات کے مطابق کرکٹ شائقین کیلئے بری خبر ہے کہ کورونا وائرس اور متحدہ عرب امارات کی سخت شرائط کی وجہ سے پاکستان سپر لیگ کے بقیہ میچوں کو غیر معینہ مدت کیلئے ملتوی کر دیا گیا ہے۔
ذرائع کے مطابق یو اے ای حکومت کی طرف سے گرین سگنل کے باوجود پی ایس ایل ایونٹ کیلئے انتہائی سخت شرائط عائد کی گئی تھیں جس نے اس کا انعقاد مشکل میں ڈال دیا۔
پاکستان سپر لیگ کے میچز کو ملتوی کرنے کا فیصلہ وینیوز کو مدنظر رکھتے ہوئے کیا گیا۔ یہ اہم فیصلہ پی ایس ایل فرنچائز اور انتظامیہ کے درمیان اجلاس میں ہوا۔ پی ایس ایل کے میچز یکم جون سے شیڈول تھے۔
خیال رہے کہ اب تک ٹورنامنٹ میں 14 میچز کھیلے جا چکے ہیں جس کے بعد اس وقت کراچی کنگز اور پشاور زلمی پانچ، پانچ میچ کھیلنے کے بعد چھ پوائنٹس کے ساتھ پہلے اور دوسرے نمبر پر ہیں۔
اسلام آباد یونائیٹڈ اور لاہور قلندرز کے بھی چار، چار میچ کھیلنے کے بعد چھ چھ پوائنٹس ہیں اور ان کی بالترتیب تیسری اور چوتھی پوزیشن ہے
