کراچی: چڑیا گھر کی خراب حالت کیخلاف درخواستوں پر سماعت، کے ایم سی حکام نے عملدرآمد رپورٹ پیش کردی

سندھ ہائیکورٹ میں چڑیا گھر کی خراب حالت کے خلاف درخواستوں پر سماعت میں کے ایم سی حکام نے عملدرآمد رپورٹ پیش کردی-

باغی ٹی وی کی رپورٹ کے مطابق درخواست گزار مشعل خان کے وکلا سمیت چڑیا گھر حکام اور دیگر درخواست گزار پیش ہوئے کے ایم سی حکام نے عملدرآمد رپورٹ پیش کردی-

کے ایم سی رپورٹ میں بتایا گیا کہ چڑیا گھر میں رانو ریچھ کے متعلق عدالتی حکم پر عمل درآمد کر دیا ہے ریچھ کو قدرتی ماحول فراہمی بعد نئے پنجرے میں منتقلی ہو گئی ہے-

رپورٹ میں بتایا گیا کہ ماہرین کی کمیٹی کی سفارشات پر پانچ گنا بڑا پنجرہ بنایا گیا ہے فینسنگ لگا دی ہے ، پانی فراہمی سمیت بجلی اور دیگر سہولیات فراہم کر دی گئی ہیں-

بیرسٹر محسن شہوانی نے کہا کہ کورٹ کے حکم عمل درآمد رپورٹ پیش کردی گئی ہے یہ عارضی انتظامات ہیں، ہماری درخواست ہے ریچھ کو ان کے اصلی علاقے واپس بھیجا جائے-

درخواست میں کہا گیا کہ یہاں کا موسم ریچھ کے ماحول سے مطابقت نہیں رکھتا رانو کو ان کے اصل ماحول میں واپس بھیجا جائے-

محسن شہوانی نے کہا کہ رانو کی واپسی کے متعلق ہماری درخواست پر دلائل ہونگے –

ڈائریکٹر چڑیا نے بتایا کہ گھر ریچھ کو ان کا ماحول فراہم کردیا ہے رانو ریچھ کا شام کے علاقے سے تعلق ہے یہاں کا موسم ان کے ماحول کے مطابق ہے-

سینئر ڈائریکٹر کے ایم سی ڈاکٹر منصور قاضی کے مطابق سفاری پارک میں ہاتھیوں کو بھی اچھا ماحول فراہم کیا گیا ، ہاتھیوں کے متعلق بھی درخواست حقائق پر مبنی نہیں ہےموسم کے مطابق جانوروں میں تبدیلی ہوتی رہتی ہے-

ڈائریکٹر کے ایم سی این جی او شہرت کے لئے ایسا کرتی ہیں این جی اوز والوں کو چاہیے وہ اپنے رشتہ داروں کا خیال رکھیں –

عدالت نے مزید سماعت 24 جون تک ملتوی کردی-