سندھ میں کورونا کی بھارتی قسم کے چار کیسز سامنے آگئے
![](https://baaghitv.com/wp-content/uploads/2021/05/images-17-5.jpeg)
سندھ میں کورونا کی بھارتی قسم کے چار کیسز کی تصدیق ہوگئی۔
سیکریٹری صحت کاظم جتوئی کا کہنا ہے کہ سندھ میں کورونا انڈین ویرینٹ داخل ہوگیا، کراچی ایئرپورٹ پر 4 افراد میں بھارتی قسم کے وائرس کی تصدیق ہوئی ہے۔
کاظم جتوئی کے مطابق کراچی ایئرپورٹ پر جن 4 متاثرہ افراد کی تصدیق کی گئی ہے ان میں سے 3 کراچی کے اور ایک گھوٹکی کا رہائشی ہے۔
سیکریٹری صحت نے مزید بتایا کہ 3 افراد عراق سے اور ایک مسقط سے پاکستان آیا ہے۔حکام نے تمام افراد کو قرنطینہ کر دیا ہے اور اہل خانہ کے بھی ٹیسٹ کیے جارہے ہیں۔