پاکستان کی دہشت گردی کے خلاف جنگ میں کامیابی ، دنیا کے لیے ایک نمونہ ہے ، آرمی چیف
باغی ٹی وی : چیف آف آرمی اسٹاف جنرل قمر جاوید باجوہ نے آج کوئٹہ کے کمانڈ اینڈ اسٹاف کالج کا دورہ کیا. کوئٹہ پہنچنے پر آرمی چیف کا کمانڈر کوئٹہ کور لیفٹیننٹ جنرل سرفراز علی اور کمانڈنٹ کمانڈ اینڈ اسٹاف کالج میجر جنرل عامر احسن نواز نے ان کا استقبال کیا۔ اس موقع پر انہوں نے کمانڈ اینڈ اسٹاف کالج کے افسران اور فیکلٹی سے خطاب کیا۔
آرمی چیف نے خطاب کرتے ہوئے کہا کہ پیشہ ورانہ امور ، داخلی اور خارجی سلامتی کی صورتحال اور علاقائی سلامتی کے ماحول سے متعلق امور پر توجہ مرکوز کرنی چاہیے ۔
آرمی چیف کا کہنا تھا کہ پاکستان اور پوری قوم کے نقطہ نظر کو اپنا کر دنیا دہشت گردی کو شکست دے سکتی ہے انہوں نے کہا کہ جنوبی ایشیاء میں پائیدار امن و استحکام کا مستقبل خطے میں طویل التواء سے پائے جانے والے معاملات کو حل کرنے پر منحصر ہے۔ بامقصد بین الاقوامی معاونت کے ذریعہ اس کی تکمیل کی جاسکتی ہے
وبائی امراض کے متعلق ان کا کہنا تھا کہ پاک فوج دیگر ریاستی اداروں کے ساتھ ساتھ پاکستان کے عوام کو درپیش چیلنجوں کو دور کرنے کے لئے ہر ممکن کوشش کرے گی۔ صرف ایک مربوط قومی کوشش ہی پاکستان کو ترقی اور خوشحالی کی طرف لے جائے گی۔
