21 فیصد سے زائد شرح غربت معاشی ترقی کے دعووں کو غلط ثابت کررہی ہے، بلاول بھٹو

پاکستان پیپلز پارٹی (پی پی پی ) کے چئیرمین بلاول بھٹو زرداری کا کہنا ہے کہ جعلی معاشی ترقی کے گن گانا ،بڑی بڑی باتیں کرنا عمران خان کی عادت ہے-

باغی ٹی وی: بلاول بھٹو کا کہنا ہے کہ 21فیصد سے زائد شرح غربت معاشی ترقی کے دعووں کو غلط ثابت کررہی ہے، معاشی بدحالی کو ایڈٹ کرکے معاشی ترقی بنادینے سےعوام کی قسمت نہیں بدلے گی-

انہوں نے کہا کہ پی ٹی آئی کیوں خیبرپختونخوا کے اعلیٰ تعلیمی اداروں کے بجٹ میں کٹوتی کررہی ہے؟-

چیئرمین پی پی پی کا کہنا تھا کہ شرح غربت میں اضافہ تشویش ناک صورت حال کی جانب اشارہ ہے، تباہ کن مہنگائی نے عام آدمی کا جینا مشکل کردیا ہے-

چیئرمین پیپلزپار ٹی بلاول بھٹو نے کہا کہ مہنگائی سے نجات کے لیے عمران خان کے اسٹیٹس کو کو توڑنا ضروری ہے،عمران خان کواب تک علم نہیں کہ ملک کیسے چلایا جاتا ہے-