![اللہ نے موقع دیا تو ہانیہ اور عاصم اظہر کی صلح کراؤں گا#Baaghi](https://baaghitv.com/wp-content/uploads/2021/06/اللہ-نے-موقع-دیا-تو-ہانیہ-اور-عاصم-اظہر-کی-صلح-کراؤں-گا.jpg)
پاکستان ڈرامہ انڈسٹری کے معروف اداکار علی عباس نے کہا ہے کہ اُنہیں اگر کبھی موقع ملا تو وہ ہانیہ عامر اور عاصم اظہر کے درمیان صلح کروائیں گے۔
باغی ٹی وی : حال ہی میں اداکار علی عباس نے نجی ٹی وی چینل کے پروگرام’جشنَ کرکٹ‘ میں شرکت کی جہاں اُنہوں نے میزبان مختلف سوالات کے جوابات دیئے۔
دورانِ پروگرام علی عباس نے ہانیہ عامر اور گلوکار عاصم اظہر کے تنازعے سے متعلق گفتگو کرتے ہوئے کہا کہ مجھے لگتا ہے ہانیہ عامر اور عاصم اظہر دونوں ہی اپنی جگہ پر بالکل درست ہیں۔
علی عباس نے کہا کہ ’میں چونکہ وکالت پڑھ چکا ہوں تو اگر کبھی اللہ تعالیٰ نے مجھے موقع دیا تو میں ہانیہ اور عاصم کے درمیان جاری تنازعے کو ختم کرنے کے لیے اُن کی صلح کروانا پسند کروں گا۔‘
اداکار نے مزید کہا کہ ’میں کرکٹ کا بہت بڑا مداح ہوں، اس بار پاکستان سپُر لیگ میں لاہور قلندرز کو سپورٹ بھی کررہا ہوں اور مجھے اُمید ہے کہ پی ایس ایل 6 کی ٹرافی لاہور قلندرز اپنے نام کرے گی۔‘
یاد رہے کہ اداکار علی عباس کئی سُپر ہٹ ڈراموں میں اپنی اداکاری کے جوہر دِکھا چکے ہیں جن میں ان کے حالیہ ڈرامے فطرت سمیت دیگر شامل ہیں-