جہلم کرونا فری ہوگیا ہے ڈاکٹر وسیم اقبال

ڈاکٹر وسیم اقبال چیف ایگزیکٹیو آفیسر ڈسٹرکٹ ہیلتھ اتھارٹی جہلم نے کہا ہے کہ آج مزید کرونا وائرس کا نیا کیس رپورٹ نہیں ہوا۔ اس وقت جہلم میں 1 کرونا وائرس سے متاثرہ مریض جس میں کرونا وائرس بیماری کی کوئی علامات نہیں ہے مریض کو گھر میں آئسولیٹ کیا گیا ہے. گزشتہ روز تک کورونا کے مشتبہ 98611 افراد کے نمونے لے کر لیبارٹری بھجوائے ہیں جن میں سے 2360 افراد کی رپورٹ مثبت آئی ہے۔ اب تک کل 2292 کرونا وائرس سے متاثرہ مریض صحت یاب ہو چکے ہیں۔ اس وقت کل کرونا وائرس سے 67 اموات ہوئی ہیں۔ کرونا وائرس کی تیسری لہر میں محکمہ صحت جہلم نے یکم مارچ 2021 سے اب تک کل کرونا وائرس کے مشتبہ 37450 افراد کے نمونے لے کر لیبارٹری بھجوائے ہیں جن میں 879 افراد کی رپورٹ مثبت موصول ہوئی کرونا وائرس کی تیسری لہر میں اب تک 26 اموات ہوئی ہیں اورکرونا وائرس کے مثبث کیسیز کی شرح %2.42 ہے۔ اب تک 71 میڈیکل اور پیرامیڈیکل سٹاف کرونا وائرس سے متاثر ہوئے ہیں۔ اب تک 2839 فرنٹ لائن ہیلتھ ورکرز اور 135,232 اٹھارہ سال سے زائد عمر کے شہریوں کو کرونا وائرس سے بچاؤ کی ویکسینیشن کر دی گئی ہے.