وزیر اعظم ہاؤس یونیورسٹی کے چانسلرعمران خان خود ہیں یا کوئی اور؟ ن لیگی رہنما کے وزیراعظم سے سوال

پاکستان مسلم لیگ (ن) کی سینئر رہنما طاہرہ اورنگ زیب نے وزیراعظم عمران خان سے ماضی میں کئے گئے عوام کے ساتھ وعدوں پر سوالات کی بوچھاڑ کردی۔

باغی ٹی وی : طاہرہ اورنگ زیب نے کہا ہے کہ عمران خان نے وزیراعظم کا حلف اٹھاتے ہی اعلان کیا تھا کوئی پروٹوکول نہیں لیں گے، سائیکل پر وزیراعظم ہاؤس جائیں گے، لیکن ان کا ہیلی کاپٹر بنی گالہ سے وزیراعظم ہاؤس یونیورسٹی اترتا ہے۔

انہوں نے وزیر اعظم کے آفس کے بجٹ بڑھنے پر بھی سوال اٹھایا کہا کہ وزیراعظم ہاؤس کا خرچہ اگر صفر ہوچکا ہے تو پھر اس کے لیے بجٹ میں اور بھی زیادہ پیسے کیوں رکھے گئے ہیں؟۔

ن لیگی رہنما کا کہنا تھا کہ وزیر اعظم ہاؤس یونیورسٹی کے چانسلر عمران خان خود ہیں یا کوئی اور؟۔

طاہرہ اورنگزیب کا کہنا تھا کہ شہزاد اکبر براڈ شیٹ سے کتنے پیسے لے کر آئے ہیں؟ وزیر اعظم کی اے ٹی ایمز کو این آر او دے دیا گیا-