پاکستانکشمیر

بنجوسہ جھیل پر لوگ مریم نواز کو دیکھ کر خوش ہو گئے،محبت کے اظہار کے لئے "آئی لو یو” کے نعرے

4 سال قبل
4 سال قبل

پاکستان مسلم لیگ ن کی نائب صدر مریم نواز اس وقت آزاد کشمیر میں موجود ہیں –

باغی ٹی وی : مریم نواز آزاد کشمیر میں ایک طرف وہ انتخابی مہم میں بھرپور حصہ لے رہی ہیں وہیں آزاد کشمیر کے خوبصورت مقامات سے بھی لطف اندوز ہو رہی ہیں۔

مریم نواز سماجی رابطے کی ویب سائٹ ٹویٹر پر کافی متحرک ہیں مریم نواز کی جانب سے ٹوئٹر پر آج بنجوسہ جھیل کے مقام سے خوبصورت تصاویر شئیر کی گئی ہیں جنہیں صارفین کی جانب سے خوب پسند بھی کیا جا رہا ہے۔


مریم نواز نے شئیر کی گئی تصاویر میں پیلے رنگ کا جوڑا زیب تن کر رکھا ہے جس میں وہ ہمیشہ کی طرح دلکش دکھائی دے رہی ہیں-

مریم نواز کا تصاویر شئیر کرتے ہوئے کہنا ہے یہاں ہر منٹ میں تازگی مل رہی ہے۔


ایک اور ٹویٹ میں مریم نواز نے لیگی رہنما پرویز رشید کے ساتھ بھی تصویر شئیر کی اور انہیں اپنا ’بڈی ‘ قرار دے دیا۔


بنجوسہ جھیل پر سیر کے لیے آئے لوگ بھی مریم نواز کو دیکھ کر خوش ہو گئے کراچی سے آئے سیاحوں نے مریم نواز کو اپنے درمیان دیکھ کر خوشی کا اظہار کیا جب کہ مریم نواز نے بھی ان سے گپ شپ کی۔

مریم نواز کے لیے لوگوں نے محبت کا اظہار کرتے ہوئے ’ لو یو‘ کے نعرے بھی لگائے جبکہ مریم نواز نے ’آئی لو یو ٹو ‘ کہہ کر چاہنے والوں کی محبت کا جواب دیا۔


اس موقع پر نائب صدر ن لیگ مریم نواز کے ہمراہ آزاد کشمیر کے وزیراعظم راجہ فاروق حیدر بھی موجود ہیں۔

ٹیگز:
Shares:

مزید خبریں